بۇل تۋرالى تۇركىستان وبلىسىنىڭ اكىمى جانسەيىت تۇيمەبايەۆ مالىمدەدى.
تاۋەلسىزدىك مەرەكەسىنە ارنالعان كەشتە وبلىستاعى ەكونوميكالىق كورسەتكىشتەرگە توقتالعان ءوڭىر باسشىسى الداعى ۋاقىتتا دا زامان تالابىنا ساي الەۋمەتتىك نىساندار كوبەيەتىنىن جەتكىزدى.
«2018 جىلى جالپى 80 ءبىلىم نىسانىنىڭ قۇرىلىسىنا مەملەكەتتىك بيۋدجەتتەن 17،5 ملرد.تەڭگە ءبولىنىپ، 30 مەكتەپ جانە 3 كوللەدج ەل يگىلىگىنە تاپسىرىلعانىن ايتۋ كەتۋ كەرەكپىن.
وسىنىڭ ناتيجەسىنجە ناتيجەسىندە 5 اپاتتى جانە 3 ءۇش اۋىسىمدى مەكتەپتىڭ ماسەلەسى شەشىلدى. جىل سوڭىنا دەيىن قوسىمشا 6 مەكتەپتىڭ قۇرىلىسىن تاپسىرۋ جوسپارلانۋدا.
جالپى بيىلعى جىلى وڭىردە 94 جەكەمەنشىك بالاباقشا، مەملەكەتتىك-جەكەمەنشىك-ارىپتەستىك اياسىندا 3 بالاباقشا جانە 1 مەملەكەتتىك بالاباقشا تاپسىرىلدى. بالاباقشامەن قامتۋ كورسەتكىشى بويىنشا وبلىسىمىز كوشباسشىلار قاتارىندا. بالالاردى مەكتەپكە دەيىنگى تاربيەمەن قامتۋ كورسەتكىشى 93 پايىزدان استى. ال مەديسينا سالاسىنا توقتالار بولساق، بيىلعى جىلى كەنتاۋ، سايرام، سارىاعاش اۋداندارىندا 3 ينسۋلتتىك ورتالىق اشىلىپ، 3 دانا كومپيۋتەرلىك توموگراف ورناتىلدى. 62 دارىگەرلىك بەكەتتىڭ قۇرىلىسىن جۇرگىزۋ جوسپارلانىپ، ەل يگىلىگىنە بەرىلدى. الداعى ۋاقىتتا دا بۇل باعىتتا جۇمىس باسەڭدەمەيدى»، - دەگەن ءوڭىر باسشىسى مۇنىڭ ءبارى تاۋەلسىزدىكتىڭ جەمىسى ەكەنىن ايتتى.
ايماق باسشىسىنىڭ اتاپ وتكەنىندەي بۇل باعىتتاعى جۇمىستار الداعى جىلى دا قارقىندى جۇرگىزىلىپ، جالعاسىن تابادى. الەۋمەتتىك نىسانداردىڭ سانى عانا ەمەس، ساپاسىنا دا باسا ءمان بەرىلەدى.
