تٷركٸستان ٶڭٸرٸ «ديپلوممەن اۋىلعا» باعدارلاماسىن جٷزەگە اسىرۋدا كٶش باستاپ كەلەدٸ
ال بيىلعى جىلى قىزمەتكە كٸرٸسكەن 863 جاس ماماننىڭ 314-ٸ باسپانالى بولىپتى. كەنتاۋ اۋدانىندا دا وسى جوبا اياسىندا جۇمىسقا تۇرىپ, تٸرشٸلٸگٸن تٷزەگەن جاستار از ەمەس.
سونىمەن قاتار اۋدانداعى جاستار ورتالىعى دا جاستارعا باعىت-باعدار بەرٸپ وتىرادى. بايالدىر اۋىلدىق وكرۋگٸنٸڭ مەدەنيەت ٷيٸ مەڭگەرۋشٸسٸ گٷلنۇر دٷيسەنبيەۆا اۋىل بالالارىنا ساحنادا ٶنەر كٶرسەتۋدٸڭ قىر-سىرىن ٷيرەتەدٸ ەكەن. جاس مامان وتىرار اۋدانىنىڭ تۋماسى. تٷركٸستانداعى قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸن اكتەرلٸك ٶنەر ماماندىعى بويىنشا بٸتٸرگەن.
جولداسى ەكەۋٸ «ديپلوممەن اۋىلعا» باعدارلاماسىمەن وسىندا كەلٸپ جۇمىسقا ورنالاسىپتى. قازٸر ەكٸ بالانىڭ اناسى ٶز جۇمىسىنا دەن ريزا.
- قۇدايعا شٷكٸر, باسپانام بار, جۇمىسىم بار. اۋىلداعى جاس بٷلدٸرشٸندەرگە ساباق بەرەمٸن. ٶزٸمە وسى جۇمىسىم ۇنايدى. وسى باعدارلامانىڭ شىققانىنا ٷلكەن راقمەت ايتامىن. جاستارعا ايتارىم, قولدارىنا ديپلومدارىن السا, مەن سيياقتى اۋىلعا كەلٸپ جۇمىس ٸستەسٸن, مەن سيياقتى باسپانالى بولسىن, – دەيدٸ ول.
بٷگٸندە كەنتاۋ قالالىق جاستار ورتالىعى جاستاردىڭ جيٸ باس قوساتىن ورنىنا اينالعان. مۇندا ەلباسىنىڭ «تسيفرلى قازاقستان» باعدارلاماسىن جاستارعا كەڭٸنەن ناسيحاتتاۋ ماقساتىندا «ەلەكتروندى ٷكٸمەت» جٷيەسٸ ەنگٸزٸلگەن. جاستار ٶزدەرٸنە قاجەتتٸ بارلىق اقپاراتتى وسى جەردەن كەلٸپ الادى. جاستار ورتالىعى اشىلعالى بەرٸ قاجەتتٸ قۇجاتتار, مەكەنجاي انىقتامالارىنىڭ بەرٸن وسى جەردەن تەز الۋعا بولادى.
