Túrkistan óńiri «Diplommen aýylǵa» baǵdarlamasyn júzege asyrýda kósh bastap keledi
Al biylǵy jyly qyzmetke kirisken 863 jas mamannyń 314-i baspanaly bolypty. Kentaý aýdanynda da osy joba aiasynda jumysqa turyp, tirshiligin túzegen jastar az emes.
Sonymen qatar aýdandaǵy jastar ortalyǵy da jastarǵa baǵyt-baǵdar berip otyrady. Baialdyr aýyldyq okrýginiń mádeniet úii meńgerýshisi Gúlnur Dúisenbieva aýyl balalaryna sahnada óner kórsetýdiń qyr-syryn úiretedi eken. Jas maman Otyrar aýdanynyń týmasy. Túrkistandaǵy Qoja Ahmet Iasaýi atyndaǵy halyqaralyq qazaq-túrik ýniversitetin akterlik óner mamandyǵy boiynsha bitirgen.
Joldasy ekeýi «Diplommen aýylǵa» baǵdarlamasymen osynda kelip jumysqa ornalasypty. Qazir eki balanyń anasy óz jumysyna dán riza.
- Qudaiǵa shúkir, baspanam bar, jumysym bar. Aýyldaǵy jas búldirshinderge sabaq beremin. Ózime osy jumysym unaidy. Osy baǵdarlamanyń shyqqanyna úlken raqmet aitamyn. Jastarǵa aitarym, qoldaryna diplomdaryn alsa, men siiaqty aýylǵa kelip jumys istesin, men siiaqty baspanaly bolsyn, – deidi ol.
Búginde Kentaý qalalyq Jastar ortalyǵy jastardyń jii bas qosatyn ornyna ainalǵan. Munda Elbasynyń «Tsifrly Qazaqstan» baǵdarlamasyn jastarǵa keńinen nasihattaý maqsatynda «elektrondy úkimet» júiesi engizilgen. Jastar ózderine qajetti barlyq aqparatty osy jerden kelip alady. Jastar ortalyǵy ashylǵaly beri qajetti qujattar, mekenjai anyqtamalarynyń bárin osy jerden tez alýǵa bolady.
