تٷركٸستان وبلىسىندا ەكٸ كٷن بۇرىن بولعان الاپات ٶرت 12 ادامنىڭ ٶمٸرٸن جالماپ, بٷكٸل ەلدٸ قايعىعا سالدى. قارالى كٷنٸ ەل الدىندا جٷرگەن كەيبٸر تانىمال تۇلعالار مارقۇمداردىڭ جاقىندارىنا كٶڭٸل ايتىپ, قايعىعا ورتاقتاسسا, ەندٸ بٸرٸ ٷنسٸز قالىپ, قوعام سىنىنا ۇشىرادى. Dalanews.kz رەداكتسيياسى وسى وقيعاعا قاتىستى قوعام بەلسەندٸلەرٸ مەن ٶنەر يەلەرٸنٸڭ رەاكتسيياسىنا شولۋ جاسادى.
قايعىلى وقيعا تۋرالى نە بەلگٸلٸ?
18 قاراشا كٷنٸ تٷركٸستان وبلىسى العاباس اۋىلىندا ەكٸ قاباتتى ٷيدەن ٶرت شىعىپ, 12 ادام كٶز جۇمدى.
"وقيعا ورنىنا ٶرت سٶندٸرۋ بٶلٸمٸ جەتكەن كەزدە تۇرعىن ٷيدٸڭ تولىقتاي ٶرتكە ورانعانى انىقتالدى. ٶرتتٸ بارلاۋ جەنە سٶندٸرۋ بارىسىندا ٷيدٸڭ ٸشٸنەن ەس-تٷسسٸز كٷيدەگٸ ٷش ادام ەۆاكۋاتسييالانىپ, جەدەل مەديتسينالىق جەردەم بريگاداسىنا تاپسىرىلدى. ٷيدٸڭ ٸشٸنەن توعىز بالانى قوسا العاندا, بارلىعى 12 ادامنىڭ دەنەسٸ تابىلدى", - دەپ حابارلادى تٷركٸستان وبلىسى تجد 101.
پرەزيدەنت رەاكتسيياسى
پرەزيدەنت قاسىم-جومارت توقاەۆ تٷركٸستان وبلىسى جەتٸساي اۋدانىنداعى جەكە ٷيدە بولعان ٶرتتٸڭ سالدارىنان كٶپتەگەن ادامنىڭ قازا تابۋىنا بايلانىستى كٶڭٸل ايتتى.
ٷكٸمەت پەن تٷركٸستان وبلىسىنىڭ ەكٸمٸنە زارداپ شەككەن ازاماتتاردىڭ تۋعان-تۋىستارىنا بارلىق قاجەتتٸ كٶمەك كٶرسەتٸپ, قايعىلى وقيعانى جان-جاقتى تەكسەرۋدٸ تاپسىردى.
دەپۋتاتتاردىڭ رەاكتسيياسى
ەلەۋمەتتٸك جەلٸدە العاش بولىپ ٷن قاتقانداردىڭ بٸرٸ – دەپۋتات دەۋلەت مۇقاەۆ. ول پاراقشاسىندا قايعىلى جايتتى تولىق بايانداپ, قايتىس بولعانداردىڭ جاقىندارىنا كٶڭٸل ايتتى.
“تٷركٸستان وبلىسىنا قاراستى العاباس اۋىلىندا بولعان ٶرتتەن 12 ادام قازا تاپتى. ونىڭ توعىزى – بالا. قايعىلى وقيعا بٷگٸن تاڭەرتەڭ بولدى. ٶرت ەكٸ قاباتتى ٷيدٸ شارپىعان. ەس-تٷسسٸز كٷيدە ٷش ادام ەۆاكۋاتسييالاندى. كٶرشٸلەردٸڭ ايتۋىنشا, ٷيدە قوناقتار بولعان, بٸر كٷن بۇرىن ٷي يەلەرٸندە جيىن ٶتكەن", — دەپ جازدى ول.
دەپۋتات ارداق نازاروۆ تا بۇل وقيعانى نازاردان تىس قالدىرمادى.
“تٷركٸستان وبلىسىنداعى قايعىلى جاعداي بٷكٸل ەل ٷشٸن اۋىر حابار. ەسٸرەسە كٸشكەنتاي بٷلدٸرشٸندەردٸڭ قازاسى قابىرعامىزدى قايىستىردى. قايتىس بولعان جانداردىڭ جاقىندارىنا سابىر تٸلەيمٸن. اللا الدىنان جارىلقاسىن!”, - دەپ جازدى ول.
ٶنەر جۇلدىزدارىنىڭ رەاكتسيياسى
رەداكتسييامىز تانىمال تۇلعالاردىڭ ەلەۋمەتتٸك جەلٸدەگٸ پاراقشالارىن شولىپ شىقتى. ٶكٸنٸشكە قاراي, قايعىلى جاعدايعا تەك بٸرەر عانا ەنشٸ ٷن قاتقانىن بايقادىق. سولاردىڭ بٸرٸ – ەپكەلٸ-ٸنٸلٸ روزا ەلقوجا مەن ەبدٸجاپپار ەلقوجا.
ەنشٸ روزا ەلقوجا يسلامتانۋشى قاسىم قاسابەكتٸڭ جازباسىن بٶلٸسٸپ, مارقۇم بولعان وتباسىنىڭ جاقىندارىنا كٶڭٸل ايتتى.
ال ەبدٸجاپپار ەلقوجا وقىرماندارىنا قايعىنى بٶلٸسۋگە, مارقۇمدارعا قۇران باعىشتاپ, دۇعا ەتۋگە شاقىردى.
"جەتٸسايداعى جاعداي بارشا قازاق حالقى ٷشٸن قايعىلى جەنە, ٶتە ٶكٸنٸشتٸ! ەۋلەتٸنە قايعىرا كٶڭٸل ايتامىز. قۇرمەتتٸ مەنٸڭ وقىرمان, دوستارىم! بٷگٸن ەرتەڭ كٶڭٸلدٸ نەمەسە جەكە باستىڭ شارۋاسىمەن بٸر پوست, ستوريستەرٸڭٸزدٸ سالماي, قايعىعا, دۇعامەن ورتاق بولايىقشى. ەلگە اماندىق تٸلەپ, قازالى ٷيگە قايعىرۋ كٶڭٸل بٸلدٸرۋ رەتٸندە, قۇران باعىشتاپ, دۇعادا بولايىقشى. اللا ەلٸمٸزگە جار بولسىن", - دەدٸ ەبدٸجاپپار ەلقوجا.
ەنشٸ ماقپال جٷنٸسوۆا دا جٷرەگٸ ەزٸلٸپ, جازبا جارييالادى.
“ورنى تولماس قاسٸرەت, قىرشىننان قيىلعان تاعدىرلار…
قانداي سۋىق حابار جەتتٸ. تۋعاندارىنا قايعىرىپ كٶڭٸل ايتامىز. اللا پاناسىنا الىپ, جەنناتتا بٸرگە بولسىن, يماندارى سالامات بولسىن”, — دەدٸ ول.
سونداي-اق اۋىر قازا تٸركەلگەن كٷنٸ كەي ٶنەرپازدار ٶزدەرٸنٸڭ قۋانىشتى جاڭالىقتارىن جارييالاپ, جۇرتتىڭ اشۋىنا تيدٸ.
مەسەلەن, بەلگٸلٸ ەنشٸ قاراقات ەبٸلدينا 18 قاراشا كٷنٸ تويدان ۆيدەو جٷكتەپ, 19 قىزدىڭ تۇساۋىن كەسكەنٸن ماقتانىشپەن جازدى. سونىمەن قاتار 2026 جىلعا تۇساۋكەسەر تويىنا تاپسىرىس قابىلدايتىنىن حابارلاعان.
“تەي-تەي باسقان پەرٸشتەلەردٸڭ جولى اشىق بولسىن! بٷگٸنگٸ قۋانىش – ەرتەڭگٸ تاريح. جاراتقان ماعان وسىنداي ەرەكشە سەتتەردٸ سىيلاپ قويعانىنا شٷكٸر. كەشە بەرٸ جۇمىس تەلەفونىما تۇساۋكەسەرگە جازىلۋ تۋرالى كٶپ ٶتٸنٸش تٷسٸپ جاتىر. سوندىقتان وسى پوستتىڭ استىنا قالدىرعان ٶتٸنٸشتەرٸڭٸز بويىنشا, اللا قالاسا, 2026 جىلى تاعى دا ۇيىمداستىرۋدى جوسپارلاپ وتىرمىز. ەڭ باستىسى – اماندىق, تىنىشتىق, بەرەكە بولسىن”, – دەپ جازدى ەنشٸ.
بۇل جازبا حالىقتىڭ قاتتى سىنىنا ۇشىرادى. سەبەبٸ ەل قايعى جۇتىپ جاتقاندا, مۇنداي جارناما كٶپشٸلٸككە ورىنسىز كٶرٸندٸ.
سونىمەن قاتار كەيٸنگٸ ۋاقىتتا جۇرت نازارىنا جيٸ ٸلٸگٸپ جٷرگەن پروديۋسەر مٶلدٸر مۇقان دا كينوسىنىڭ جابىق كٶرسەتٸلٸمٸنەن ٷزٸندٸلەردٸ جارييالاپ, قۋانىشىن بٶلٸسكەن ەدٸ. الايدا قايعىلى جاعدايعا ٷن قاتپادى.
