Túrkistan oblysynda eki kún buryn bolǵan alapat órt 12 adamnyń ómirin jalmap, búkil eldi qaiǵyǵa saldy. Qaraly kúni el aldynda júrgen keibir tanymal tulǵalar marqumdardyń jaqyndaryna kóńil aityp, qaiǵyǵa ortaqtassa, endi biri únsiz qalyp, qoǵam synyna ushyrady. Dalanews.kz redaktsiiasy osy oqiǵaǵa qatysty qoǵam belsendileri men óner ieleriniń reaktsiiasyna sholý jasady.
Qaiǵyly oqiǵa týraly ne belgili?
18 qarasha kúni Túrkistan oblysy Alǵabas aýylynda eki qabatty úiden órt shyǵyp, 12 adam kóz jumdy.
"Oqiǵa ornyna órt sóndirý bólimi jetken kezde turǵyn úidiń tolyqtai órtke oranǵany anyqtaldy. Órtti barlaý jáne sóndirý barysynda úidiń ishinen es-tússiz kúidegi úsh adam evakýatsiialanyp, jedel meditsinalyq járdem brigadasyna tapsyryldy. Úidiń ishinen toǵyz balany qosa alǵanda, barlyǵy 12 adamnyń denesi tabyldy", - dep habarlady Túrkistan oblysy TJD 101.
Prezident reaktsiiasy
Prezident Qasym-Jomart Toqaev Túrkistan oblysy Jetisai aýdanyndaǵy jeke úide bolǵan órttiń saldarynan kóptegen adamnyń qaza tabýyna bailanysty kóńil aitty.
Úkimet pen Túrkistan oblysynyń ákimine zardap shekken azamattardyń týǵan-týystaryna barlyq qajetti kómek kórsetip, qaiǵyly oqiǵany jan-jaqty tekserýdi tapsyrdy.
Depýtattardyń reaktsiiasy
Áleýmettik jelide alǵash bolyp ún qatqandardyń biri – depýtat Dáýlet Muqaev. Ol paraqshasynda qaiǵyly jaitty tolyq baiandap, qaitys bolǵandardyń jaqyndaryna kóńil aitty.
“Túrkistan oblysyna qarasty Alǵabas aýylynda bolǵan órtten 12 adam qaza tapty. Onyń toǵyzy – bala. Qaiǵyly oqiǵa búgin tańerteń boldy. Órt eki qabatty úidi sharpyǵan. Es-tússiz kúide úsh adam evakýatsiialandy. Kórshilerdiń aitýynsha, úide qonaqtar bolǵan, bir kún buryn úi ielerinde jiyn ótken", — dep jazdy ol.
Depýtat Ardaq Nazarov ta bul oqiǵany nazardan tys qaldyrmady.
“Túrkistan oblysyndaǵy qaiǵyly jaǵdai búkil el úshin aýyr habar. Ásirese kishkentai búldirshinderdiń qazasy qabyrǵamyzdy qaiystyrdy. Qaitys bolǵan jandardyń jaqyndaryna sabyr tileimin. Alla aldynan jarylqasyn!”, - dep jazdy ol.
Óner juldyzdarynyń reaktsiiasy
Redaktsiiamyz tanymal tulǵalardyń áleýmettik jelidegi paraqshalaryn sholyp shyqty. Ókinishke qarai, qaiǵyly jaǵdaiǵa tek birer ǵana ánshi ún qatqanyn baiqadyq. Solardyń biri – ápkeli-inili Roza Álqoja men Ábdijappar Álqoja.
Ánshi Roza Álqoja islamtanýshy Qasym Qasabektiń jazbasyn bólisip, marqum bolǵan otbasynyń jaqyndaryna kóńil aitty.
Al Ábdijappar Álqoja oqyrmandaryna qaiǵyny bólisýge, marqumdarǵa Quran baǵyshtap, duǵa etýge shaqyrdy.
"Jetisaidaǵy jaǵdai barsha Qazaq halqy úshin qaiǵyly jáne, óte ókinishti! Áýletine qaiǵyra kóńil aitamyz. Qurmetti meniń oqyrman, dostarym! Búgin erteń kóńildi nemese jeke bastyń sharýasymen bir post, storisterińizdi salmai, qaiǵyǵa, duǵamen ortaq bolaiyqshy. Elge amandyq tilep, qazaly úige qaiǵyrý kóńil bildirý retinde, Quran baǵyshtap, duǵada bolaiyqshy. Alla elimizge jar bolsyn", - dedi Ábdijappar Álqoja.
Ánshi Maqpal Júnisova da júregi ezilip, jazba jariialady.
“Orny tolmas qasiret, qyrshynnan qiylǵan taǵdyrlar…
Qandai sýyq habar jetti. Týǵandaryna qaiǵyryp kóńil aitamyz. Alla panasyna alyp, jánnatta birge bolsyn, imandary salamat bolsyn”, — dedi ol.
Sondai-aq aýyr qaza tirkelgen kúni kei ónerpazdar ózderiniń qýanyshty jańalyqtaryn jariialap, jurttyń ashýyna tidi.
Máselen, belgili ánshi Qaraqat Ábildina 18 qarasha kúni toidan video júktep, 19 qyzdyń tusaýyn keskenin maqtanyshpen jazdy. Sonymen qatar 2026 jylǵa tusaýkeser toiyna tapsyrys qabyldaitynyn habarlaǵan.
“Tái-tái basqan perishtelerdiń joly ashyq bolsyn! Búgingi qýanysh – erteńgi tarih. Jaratqan maǵan osyndai erekshe sátterdi syilap qoiǵanyna shúkir. Keshe beri jumys telefonyma tusaýkeserge jazylý týraly kóp ótinish túsip jatyr. Sondyqtan osy posttyń astyna qaldyrǵan ótinishterińiz boiynsha, Alla qalasa, 2026 jyly taǵy da uiymdastyrýdy josparlap otyrmyz. Eń bastysy – amandyq, tynyshtyq, bereke bolsyn”, – dep jazdy ánshi.
Bul jazba halyqtyń qatty synyna ushyrady. Sebebi el qaiǵy jutyp jatqanda, mundai jarnama kópshilikke orynsyz kórindi.
Sonymen qatar keiingi ýaqytta jurt nazaryna jii iligip júrgen prodiýser Móldir Muqan da kinosynyń jabyq kórsetiliminen úzindilerdi jariialap, qýanyshyn bólisken edi. Alaida qaiǵyly jaǵdaiǵa ún qatpady.
