تۇركىستان وبلىستىق سوتى، تۇركىستان وبلىستىق قازاقستان حالقى اسسامبلەياسى جانە تۇركىستان وبلىستىق كاسىپوداقتار ورتالىعى بىرلەسە شىمكەنت قالاسىنداعى قازاقستان حالقى اسسامبلەياسىنىڭ ۇيىندە قوعامدىق مەدياسيا ينستيتۋتىن دامىتۋ بويىنشا وبلىستىق سەمينار-كەڭەسىن وتكىزدى.

سەمينار كەڭەستە تۇركىستان وبلىستىق سوتىنىڭ ازاماتتىق ىستەر جونىندەگى سوت القاسىنىڭ ءتوراعاسى تۇگەل بەكىمبەتوۆ، «تۇركىستان وبلىسىنىڭ كاسىپوداقتار ورتالىعى» اۋماقتىق كاسىپوداقتار بىرلەستىگىنىڭ باس مامانى ءادىلجان داتقايەۆ، تۇركىستان وبلىستىق سوتىنىڭ سۋدياسى باۋىرجان تاڭىربەردييەۆ بايانداما جاسادى.

جارىسسوزدە «تۇركىستان وبلىسىنىڭ كاسىپوداقتار ورتالىعى» اۋماقتىق كاسىپوداقتار بىرلەستىگى ءتوراعاسىنىڭ مىندەتىن اتقارۋشى سەرىك اۋەسحانوۆ كاسىپوداقتار بىرلەستىگى جانىنان اشىلعان «تاتۋلاسۋ ورتالىعىنىڭ» جۇمىس تاجىريبەلەرىمەن ءبولىستى. اتالعان ورتالىقتا 7 كاسىبي مەدياتور كەزەكشىلىكپەن جۇمىس اتقارىپ كەلەدى. بۇگىنگە دەيىن ورتالىققا 27 ازامات كەلسە، ونىڭ 10-ى بىتىمگەرشىلىكپەن، مەدياسيالىق پروسەسپەن ءساتتى اياقتالىپ، 17-نە تۇسىنىكتەمە، كەڭەستەر بەرىلگەن. سونىمەن بىرگە، كاسىپوداقتار ۇيىمدارىمەن 154 ەڭبەك داۋلارى قارالىپ، شەشىلگەنىن ايتتى.

سەمينار-كەڭەس كەزىندە اۋدانداردان، ونىڭ ىشىندە اۋىل وكرۋگتەرىنەن كەلگەن قوعامدىق نەگىزدەگى نەمەسە كاسىبي ەمەس مەدياتورلار مەن كاسىبي مەدياتورلار تاراپىنان جۇمىستى جاقسارتۋ باعىتىنداعى جانە زاڭعا وزگەرىستەر مەن تولىقتىرۋلار ەنگىزۋ تۋرالى قۇندى ۇسىنىستارىن بەردى.

سونداي-اق، مەدياسيا ينستيتۋتىنىڭ جاعدايى مەن دامۋ ماسەلەلەرى ءسوز بولىپ، قازاقستان حالقى اسسامبلەياسى مەدياسيا قۇرىلىمىنىڭ مەملەكەتتىك ورگاندار مەن ازاماتتىق قوعام ينستيتۋتىمەن ءوزارا ءىس-قيمىلىنىڭ نەگىزگى تەتىكتەرى مەن قوعامدىق مەدياتورلار مەن بيلەردىڭ جۇمىسىن جانداندىرۋ ماسەلەلەرى تالقىلاندى. قاتىسۋشىلار تاراپىنان تۇراقتى تۇردە ءوڭىردىڭ بارلىق اۋداندارىندا ءتۇسىندىرۋ جۇمىستارىن كەڭىنەن جۇرگىزىپ، بۇقارالىق اقپارات قۇرالدارىندا اقپارات بەرىلىپ، اشىق ەسىك كۇندەرىن وتكىزۋ، ەل ازاماتتارىنا ارنالعان مەدياسيا بويىنشا سەمينار-ترەنينگتەردى ءجيى وتكىزۋ، سياقتى ءبىرقاتار ۇسىنىستار ايتىلدى.

سەمينار سوڭىندا تۇركىستان وبلىستىق سوتىنىڭ ازاماتتىق ىستەر جونىندەگى سوت القاسىنىڭ ءتوراعاسى تۇگەل بەكىمبەتوۆ، تۇركىستان وبلىستىق قازاقستان حالقى اسسامبلەياسى حاتشىسىنىڭ مىندەتىن اتقارۋشى مادينا كامەدەنوۆا جانە «تۇركىستان وبلىسىنىڭ كاسىپوداقتار ورتالىعى» اۋماقتىق كاسىپوداقتار بىرلەستىگى ءتوراعاسىنىڭ مىندەتىن اتقارۋشى سەرىك ەلەمەس ۇلى اۋەسحانوۆ مەدياسيا جۇمىستارىن بىرلەسە جۇرگىزۋ بويىنشا ءوزارا ءتيىمدى ىنتىماقتاستىق مەموراندۋمىنا قول قويدى.

 

Dalanews.kz