«CG Foods Central Asia» كومپانياسى وزبەكستان، تاجىكستان، قىرعىزستان سىندى ەلدەردە ساتىلىم نارىعىن قالىپتاستىرعان، سونىمەن قاتار، كورپوراسيانىڭ ءونىمى ءۇندىستان نارىعىنىڭ 60% -ىن قامتي الادى. الەۋەتتى تۇتىنۋشىلار سانى شامامەن 200 ميلليونعا جۋىق ادامدى قۇرايدى، بۇل – وتە ۇلكەن كولەمدى نارىق. تۇركىستان وبلىسىندا كەسپە «Wai-wai» برەندىمەن شىعارىلادى، ول تاي تىلىنەن اۋدارعاندا «تەز-تەز» دەگەن ماعىنانى بىلدىرەدى. جەرگىلىكتى تۇتىنۋشىلار ءۇشىن ءونىمنىڭ ماڭىزدى تۇسى – بارلىق ءونىم حالال بولادى"، – دەيدى ول.
ينۆەستيسيالىق جوبانى قولداۋ اياسىندا «TURKISTAN INVEST» كومپانياسىنىڭ ۇجىمى ينۆەستورلار ءۇشىن بارلىق قاجەتتى جاعدايلاردى جاسادى.
قۇجاتتاردى دايىنداۋدان باستاپ جەرگە قاتىستى، تەحنيكالىق جانە ينفراقۇرىلىمدىق ماسەلەلەردى شەشۋگە دەيىن ءبىر تەرەزە قاعيداسى بويىنشا قىزمەت كورسەتۋدە.
— جوبانى ىسكە اسىرۋدا جەرگىلىكتى بيلىكتىڭ كومەگى وتە ۇلكەن، سول ءۇشىن وبلىس اكىمى جانسەيىت تۇيمەبايەۆ مىرزاعا، سونداي-اق، اكىمنىڭ ورىنباسارى ەربول تاسجۇرەكوۆ مىرزاعا العىسىمدى بىلدىرگىم كەلەدى. ءارقايسىسىنىڭ قابىلداۋىندا بولدىم، ءاردايىم مەنىمەن بايلانىستا، جوبا بارىسىندا تۋىنداعان ماسەلەلەر تەز ارادا شەشىلۋدە. بۇل مەن ءۇشىن ۇلكەن قۇرمەت. «TURKISTAN INVEST» كومپانياسىنىڭ ۇجىمى بارلىق قاجەتتى قۇجاتتاردى دايىنداۋدا كاسىبي بىلىكتىلىگىمەن ەرەكشەلەندى. شىنىمدى ايتسام، شەتەلدە جۇرگەنىم سەزىلمەيدى، بەرىك سەرىكتەستەر، ءتىپتى دوستار سەكىلدى بولىپ كەتتىك. بيزنەستە ەڭ باستى دۇنيە بۇل – سەنىم، ول ادال سەرىكتەستىك قۇرۋدا جانە ونى ارى قاراي ءساتتى دامىتۋدا وتە ماڭىزدى، — دەپ «CG Foods Central Asia» كومپانياسىنىڭ باس ديرەكتورى كيشور لودحا ءوز كەزەگىندە وبلىس اكىمىنە العىسىن جەتكىزدى.
جوبا اياسىندا 100-دەن استام جۇمىس ورنى قۇرىلادى، وسىعان وراي جەرگىلىكتى تۇرعىنداردى جۇمىسپەن قامتۋ جوسپارلانۋدا.
