«CG Foods Central Asia» kompanıasy Ózbekstan, Tájikstan, Qyrǵyzstan syndy elderde satylym naryǵyn qalyptastyrǵan, sonymen qatar, korporasıanyń ónimi Úndistan naryǵynyń 60% -yn qamtı alady. Áleýetti tutynýshylar sany shamamen 200 mıllıonǵa jýyq adamdy quraıdy, bul – óte úlken kólemdi naryq. Túrkistan oblysynda kespe «Wai-wai» brendimen shyǵarylady, ol taı tilinen aýdarǵanda «tez-tez» degen maǵynany bildiredi. Jergilikti tutynýshylar úshin ónimniń mańyzdy tusy – barlyq ónim halal bolady", – deıdi ol.
Investısıalyq jobany qoldaý aıasynda «TURKISTAN INVEST» kompanıasynyń ujymy ınvestorlar úshin barlyq qajetti jaǵdaılardy jasady.
Qujattardy daıyndaýdan bastap jerge qatysty, tehnıkalyq jáne ınfraqurylymdyq máselelerdi sheshýge deıin bir tereze qaǵıdasy boıynsha qyzmet kórsetýde.
— Jobany iske asyrýda jergilikti bıliktiń kómegi óte úlken, sol úshin oblys ákimi Janseıit Túımebaev myrzaǵa, sondaı-aq, ákimniń orynbasary Erbol Tasjúrekov myrzaǵa alǵysymdy bildirgim keledi. Árqaısysynyń qabyldaýynda boldym, árdaıym menimen baılanysta, joba barysynda týyndaǵan máseleler tez arada sheshilýde. Bul men úshin úlken qurmet. «TURKISTAN INVEST» kompanıasynyń ujymy barlyq qajetti qujattardy daıyndaýda kásibı biliktiligimen erekshelendi. Shynymdy aıtsam, shetelde júrgenim sezilmeıdi, berik seriktester, tipti dostar sekildi bolyp kettik. Bızneste eń basty dúnıe bul – senim, ol adal seriktestik qurýda jáne ony ary qaraı sátti damytýda óte mańyzdy, — dep «CG Foods Central Asia» kompanıasynyń bas dırektory Kıshor Lodha óz kezeginde oblys ákimine alǵysyn jetkizdi.
Joba aıasynda 100-den astam jumys orny qurylady, osyǵan oraı jergilikti turǵyndardy jumyspen qamtý josparlanýda.
