جيىنعا دەپارتامەنت باسشىسىنىڭ ورىنباسارى ع.اسان ۇلى، وبلىستىق ءدىن ىستەر باسقارماسى باسشىسىنىڭ م.ا. ر.ءجۇنىسوۆا، قازاقستان مۇسىلماندارى ءدىني باسقارماسىنىڭ تۇركىستان وبلىسى بويىنشا وكىل يمامى م.اقتامبەردى، تۇركىستان وبلىسى اكىم اپپاراتىنىڭ «قوعامدىق كەلىسىم» كمم تۇركىستان قالالىق فيليال باسشىسى ب.وڭالبايەۆ، تۇركىستان قالاسىنىڭ ورتالىق مەشىتىنىڭ يمامدارى مەن ەتنو-مادەني بىرلەستىكتەردىڭ وكىلدەرى قاتىستى.
ءىس-شارانىڭ نەگىزگى ماقساتى – جەمقورلىققا قارسى كۇرەسكە بۇكىل قوعامدى تارتۋ جانە قوعامدا سىبايلاس جەمقورلىققا قارسى مادەنيەتتى قالىپتاستىرۋ.
كەزدەسۋگە ءتوراعالىق ەتكەن ع.اسان ۇلى «ەلباسىنىڭ ءاربىر جولداۋىندا جەمقورلىقتىڭ الدىن الۋ جانە ونىمەن كۇرەسۋ ماسەلەلەرىنە ەرەكشە كوڭىل بولىنۋدە. سوندىقتان، وڭىرىمىزدە سىبايلاس جەمقورلىق دەڭگەيىن تومەندەتۋ باعىتىندا جۇيەلى شارالاردى ىسكە اسىرۋ ماڭىزدى، وسىعان وراي جەلتوقسان ايىندا تۇركىستان وبلىسىنىڭ اۋماعىندا سىبايلاس جەمقورلىققا قارسى «ايلىق» جاريالاۋ جونىندەگى بەكىتىلگەن جوسپارى اياسىندا جۇرگىزىلىپ جاتقان جۇمىستارعا كەڭىنەن توقتالىپ ءوتتى.
سونداي-اق، ع.اسان ۇلى سىبايلاس جەمقورلىقتىڭ الدىن الۋدا رۋحاني-ادامگەرشىلىك جاعدايىن قالىپتاستىرۋدا ءدىن وكىلدەرىنىڭ الاتىن ورنى ەرەكشە ەكەندىگىن اتاپ ءوتىپ، وبلىستاعى بارلىق مەشىتتەرگە جۇما نامازدارعا كەلۋشىلەرگە جەمقورلىققا قارسى ءتۇسىندىرۋ شارالارىن جۇرگىزۋدى ۇسىندى. بۇل ۇسىنىستى جيىنعا قاتىسۋشى يمامدار ءبىراۋىزدان قولدادى.
جيىن بارىسىندا ءسوز سويلەگەن قازاقستان مۇسىلماندارى ءدىني باسقارماسىنىڭ تۇركىستان وبلىسى بويىنشا وكىل يمامى م.اقتامبەردى «جەمقورلىق ەلىمىزدىڭ دامۋىنا كەدەرگى كەلتىرەتىن كەسەل دەپ ايتۋعا بولادى. سىبايلاس جەمقورلىقتىڭ الدىن الۋ ماسەلەسى ءبىزدىڭ ءدىني باسقارمانىڭ كۇن تارتىبىنەن تۇسكەن ەمەس، ۇنەمى جاماعات جينالاتىن ورىنداردا ۋاعىز ناسيحاتتاردا ايتىلادى. بۇل ىندەتپەن كۇرەسۋ تەك مەملەكەتتىك مەكەمەلەردىڭ جۇمىسى ەمەس، ونىمەن بۇكىل قوعام بولىپ كۇرەسۋىمىز كەرەك، سوندىقتان ەلىمىزدىڭ وركەندەۋى جولىندا يگى جاقسى امالداردى جاساۋعا جانە جەمقورلىق ىندەتىمەن كۇرەسكە بىرگە اتسالىسايىق دەپ - ءسوزىن قورىتىندىلادى.
ءىس-شارا سوڭىندا دوڭگەلەك ۇستەلگە قاتىسۋشىلار تاراپىنان ءبىرقاتار ۇسىنىس، پىكىرلەر ايتىلدى.
