ينۆەستيتسييالىق سۋبسيدييا مەن جەڭٸلدەتٸلگەن نەسيە تۇراقتى تٷردە بەرٸلٸپ, ٶڭٸردە بالىق ٶندٸرۋ كٶلەمٸ 30 مىڭ تونناعا جەتكٸزۋ كٶزدەلۋدە.
بۇل مەسەلە تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن وبلىستاعى بالىق شارۋاشىلىعى سالاسىن دامىتۋ بويىنشا جينالىستا جان-جاقتى پىسىقتالدى. باسقوسۋدا وبلىس باسشىسى بۇل باعىتتا جۇمىستى شيراتىپ, ەكسپورتتىق ەلەۋەتتٸ كٶتەرۋگە باسىمدىق بەرۋدٸ تاپسىردى.
بٷگٸندە ٶڭٸردە جەرگٸلٸكتٸ ماڭىزى بار 104 سۋ ايدىنى بار. بۇدان بٶلەك 4 حالىقارالىق ماڭىزى بار, 4 رەسپۋبليكالىق ماڭىزى بار كەسٸپشٸلٸك ماقساتتاعى ۋچاسكەلەر بەكٸتٸلگەن.
تاۋارلى بالىق ٶسٸرۋمەن وبلىستا 156 كەسٸپكەرلٸك مەكەمە اينالىسۋدا. وبلىس تۇرعىندارىن بالىق ٶنٸمدەرٸمەن تولىق قامتاماسىز ەتۋ ماقساتىندا 30 توعاندى بالىق شارۋاشىلىعى, ونىڭ ٸشٸندە 4-ەۋٸ ٷيٸرگەلٸك اۋلادا اشىلدى. سونىمەن قاتار جالپى قۋاتتىلىعى جىلىنا 15 مىڭ توننانى قۇرايتىن 7 بالىق ٶڭدەۋ زاۋىتى جۇمىس ٸستەيدٸ.
تابيعي رەسۋرستار جەنە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋاليەۆتٸڭ بايانداۋىنشا, وبلىستا 2022 جىلى 6 مىڭ 200 تونناعا جۋىق تاۋارلى بالىق ٶندٸرٸلسە, بيىلعى جوسپار – 6640 توننا.
سالانى دامىتۋعا بيىل جەرگٸلٸكتٸ بيۋدجەتتەن 500 ملن تەڭگە بٶلٸندٸ. بۇدان بٶلەك, ينۆەستيتسييالىق سالىمداردى سۋبسيدييالاۋعا رەسپۋبليكالىق بيۋدجەتتەن 226 ملن تەڭگە قاراستىرىلعان.
