– تۇركىستان وبلىسىندا 831 ەلدى مەكەننىڭ 712ء-ى (7 قالا، 705 اۋىلدىق ەلدى مەكەن) ياعني، 85،7 پايىزى اۋىز سۋمەن قامتاماسىز ەتىلدى. سونداي-اق، بيىل اۋىز سۋمەن جابدىقتاۋ بويىنشا 53 نىساننىڭ قۇرىلىس جۇمىستارى جۇرگىزىلۋدە. ونىڭ 26-ىن وسى جىلى اياقتاپ، پايدالانۋعا بەرۋ جوسپارلانۋدا. ال قالعان 27 نىساننىڭ قۇرىلىسى كەلەسى جىلعا وتپەلى، – دەدى باسقارما باسشىسى ساكەن شالاباي ۇلى.
سپيكەردىڭ سوزىنشە، جىل قورىتىندىسىمەن، 13 ەلدى مەكەندى (سارىاعاش – 4، كەلەس – 4، قازىعۇرت – 2، ورداباسى – 3) اۋىز سۋمەن قامتاماسىز ەتۋ، ال 14 ەلدى مەكەننىڭ (ساۋران – 1، قازىعۇرت – 1، تولەبي – 5، جەتىساي – 2، ماقتارال –1، ورداباسى – 1، شاردارا – 1، تۇلكىباس – 2) توزىعى جەتكەن سۋ قۇبىرلارىن قايتا جاڭارتۋ جوسپارلانعان.
سونىمەن قاتار، ورتالىقتاندىرىلعان اۋىز سۋمەن قامتاماسىز ەتىلمەگەن 119 اۋىلدىق ەلدى مەكەننىڭ 71-نە سۋ قۇبىرلارىن جۇرگىزۋ، 48-نە بلوك-مودۋل كەشەنىن (كبم) ورناتۋ جوسپارلانۋدا.
ايتا كەتەيىك، وڭىردەگى ەلدى مەكەندەردى 100 پايىز اۋىز سۋمەن قامتاماسىز ەتۋ ماقساتىندا، وبلىس اكىمدىگىمەن «تۇركىستان وبلىسى بويىنشا اۋىز سۋمەن قامتاماسىز ەتۋدىڭ 2022-2025 جىلدارعا ارنالعان ءىس-شارا جوسپارى» بەكىتىلدى.
