– Túrkistan oblysynda 831 eldi mekenniń 712-i (7 qala, 705 aýyldyq eldi meken) ıaǵnı, 85,7 paıyzy aýyz sýmen qamtamasyz etildi. Sondaı-aq, bıyl aýyz sýmen jabdyqtaý boıynsha 53 nysannyń qurylys jumystary júrgizilýde. Onyń 26-yn osy jyly aıaqtap, paıdalanýǵa berý josparlanýda. Al qalǵan 27 nysannyń qurylysy kelesi jylǵa ótpeli, – dedi basqarma basshysy Sáken Shalabaıuly.
Spıkerdiń sózinshe, jyl qorytyndysymen, 13 eldi mekendi (Saryaǵash – 4, Keles – 4, Qazyǵurt – 2, Ordabasy – 3) aýyz sýmen qamtamasyz etý, al 14 eldi mekenniń (Saýran – 1, Qazyǵurt – 1, Tólebı – 5, Jetisaı – 2, Maqtaral –1, Ordabasy – 1, Shardara – 1, Túlkibas – 2) tozyǵy jetken sý qubyrlaryn qaıta jańartý josparlanǵan.
Sonymen qatar, ortalyqtandyrylǵan aýyz sýmen qamtamasyz etilmegen 119 aýyldyq eldi mekenniń 71-ne sý qubyrlaryn júrgizý, 48-ne blok-modýl keshenin (KBM) ornatý josparlanýda.
Aıta keteıik, óńirdegi eldi mekenderdi 100 paıyz aýyz sýmen qamtamasyz etý maqsatynda, oblys ákimdigimen «Túrkistan oblysy boıynsha aýyz sýmen qamtamasyz etýdiń 2022-2025 jyldarǵa arnalǵan is-shara jospary» bekitildi.
