تۇركىستان وبلىسىنداعى اۋىلدار مەن ەلدى مەكەندەردى ساپالى ينفراقۇرىلىممەن قامتۋ باعىتىندا جۇيەلى جۇمىستار جۇرگىزىلىپ جاتىر. ءوڭىر باسشىسى دارحان ساتىبالدى بۇل ماسەلەلەردى تۇراقتى باقىلاۋىنا العان، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
2024 جىلدىڭ 1 قاڭتارداعى جاعداي بويىنشا 807 ەلدى مەكەننىڭ 737 ەلدى مەكەنى (7 قالا، 730 اۋىلدىق ەلدى مەكەن) نەمەسە 91،3% اۋىز سۋمەن قامتاماسىز ەتىلگەن. بۇگىنگى تاڭدا 70 ەلدى مەكەن اۋىز سۋمەن قامتاماسىز ەتىلمەگەن. وبلىس اۋماعىنداعى ەلدى مەكەندەردى 100 % اۋىز سۋمەن قامتاماسىز ەتۋ ماقساتىندا «تۇركىستان وبلىسى بويىنشا اۋىز سۋمەن قامتاماسىز ەتۋدىڭ 2023-2025 جىلدارعا ارنالعان ءىس-شارا جوسپارى» بەكىتىلدى.
جوسپارعا سايكەس، 41 ەلدى مەكەنگە قۇرىلىس-مونتاج جۇمىستارى جۇرگىزىلىپ، حالىق سانى 200-دەن از شالعاي ورنالاسقان 29 ەلدى مەكەندە كەشەندى بلوك-مودۋل ورناتىلادى.
بيىل اۋىز سۋمەن قامتاماسىز ەتۋ سالاسى بويىنشا جالپى 129 نىساننىڭ قۇرىلىسىنا بيۋدجەتتەن ءتيىستى قارجى قارالدى. ونىڭ ىشىندە، وسى جىلى 65 نىسان اياقتالادى دەپ جوسپارلانسا، 64 نىسان كەلەسى جىلعا وتپەلى.
2024 جىلدىڭ قورىتىندىسىمەن 29 ەلدى مەكەن جاڭادان اۋىز سۋمەن قامتۋ كوزدەلىپ وتىر. ناتيجەسىندە، 807 ەلدى مەكەننىڭ 766 ەلدى مەكەنى (7 قالا، 759 اۋىلدىق ەلدى مەكەن) نەمەسە 94،9 % اۋىز سۋمەن قامتاماسىز ەتىلمەك.
تۇركىستان وبلىسىن ساپالى ەلەكترمەن جابدىقتاۋ ماقساتىندا ءىرى جوبالار قولعا الىندى. اتاپ ايتقاندا، وبلىستا قۋاتى 1000 مۆت بۋ-گاز قوندىرعىسىن سالۋ جوباسى ىسكە اسۋدا. جوبا قۇرىلىسى 2026 جىلى اياقتالادى دەپ جوسپارلانعان. ودان بولەك، 2023-2025 جىلدارى جالپى قۋاتى 90 مۆت 4 كۇن ەلەكتر ستانسياسى مەن قۋاتى 11،5 مۆت 5 شاعىن گيدروەلەكتروستانسيا سالۋ جوسپارلانعان. ونىڭ ىشىندە، وتكەن جىلى وتىرار اۋدانى اۋماعىندا 50 مۆت كۇن ەلەكتر ستانسياسىنىڭ قۇرىلىسى اياقتالىپ، پايدالانۋعا بەرىلدى.
تۇرعىنداردى ساپالى ينفراقۇرىلىممەن قامتۋ جۇمىستارى جالعاسادى.
