Túrkistan oblysyndaǵy aýyldar men eldi mekenderdi sapaly infraqurylymmen qamtý baǵytynda júieli jumystar júrgizilip jatyr. Óńir basshysy Darhan Satybaldy bul máselelerdi turaqty baqylaýyna alǵan, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
2024 jyldyń 1 qańtardaǵy jaǵdai boiynsha 807 eldi mekenniń 737 eldi mekeni (7 qala, 730 aýyldyq eldi meken) nemese 91,3% aýyz sýmen qamtamasyz etilgen. Búgingi tańda 70 eldi meken aýyz sýmen qamtamasyz etilmegen. Oblys aýmaǵyndaǵy eldi mekenderdi 100 % aýyz sýmen qamtamasyz etý maqsatynda «Túrkistan oblysy boiynsha aýyz sýmen qamtamasyz etýdiń 2023-2025 jyldarǵa arnalǵan is-shara jospary» bekitildi.
Josparǵa sáikes, 41 eldi mekenge qurylys-montaj jumystary júrgizilip, halyq sany 200-den az shalǵai ornalasqan 29 eldi mekende keshendi blok-modýl ornatylady.
Biyl aýyz sýmen qamtamasyz etý salasy boiynsha jalpy 129 nysannyń qurylysyna biýdjetten tiisti qarjy qaraldy. Onyń ishinde, osy jyly 65 nysan aiaqtalady dep josparlansa, 64 nysan kelesi jylǵa ótpeli.
2024 jyldyń qorytyndysymen 29 eldi meken jańadan aýyz sýmen qamtý kózdelip otyr. Nátijesinde, 807 eldi mekenniń 766 eldi mekeni (7 qala, 759 aýyldyq eldi meken) nemese 94,9 % aýyz sýmen qamtamasyz etilmek.
Túrkistan oblysyn sapaly elektrmen jabdyqtaý maqsatynda iri jobalar qolǵa alyndy. Atap aitqanda, oblysta qýaty 1000 MVt bý-gaz qondyrǵysyn salý jobasy iske asýda. Joba qurylysy 2026 jyly aiaqtalady dep josparlanǵan. Odan bólek, 2023-2025 jyldary jalpy qýaty 90 MVt 4 kún elektr stantsiiasy men qýaty 11,5 MVt 5 shaǵyn gidroelektrostantsiia salý josparlanǵan. Onyń ishinde, ótken jyly Otyrar aýdany aýmaǵynda 50 MVt kún elektr stantsiiasynyń qurylysy aiaqtalyp, paidalanýǵa berildi.
Turǵyndardy sapaly infraqurylymmen qamtý jumystary jalǵasady.
