بيىل ناۋرىز ايىندا تٷركٸستاندا مەدەني جەنە تۋريستٸك ٸس-شارالاردى اۋقىمدى ەتٸپ ٶتكٸزۋ جوسپارلانىپ وتىر. ال ونىڭ ٶتۋ بارىسى بٷگٸن وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن اپپارات مەجٸلٸسٸندە پىسىقتالدى. ٶڭٸر باسشىسى ۇلىستىڭ ۇلى كٷنٸن جوعارى دەڭگەيدە ۇيىمداستىرۋدى تاپسىردى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– جالپى ناۋرىز مەيرامىن مەرەكەلەۋ كەزٸندە اۋدان, قالا ەكٸمدٸكتەرٸ مەن بارلىق باسقارما اتسالىسىڭىزدار. جاي عانا ٶتە سالماسىن. تيياناقتى ەتٸپ اۋدان, قالادا دا بٸردەي ٶتسٸن. بۇل مەرەكەمەن شەكتەلٸپ قالماي, جوسپارلى ٸس-شارالار نازاردان تىس قالماۋ كەرەك. قولٶنەرشٸلەر مەن سۋرەتشٸلەر كٶرمەسٸن دە جاساقتاۋىمىز كەرەك, – دەدٸ دارحان ساتىبالدى.
جيىندا تٷركٸستان وبلىسى مەدەنيەت جەنە تۋريزم باسقارماسىنىڭ باسشىسى ەزٸمحان قويلىباەۆ بايانداما جاسادى. باسقارما باسشىنىڭ ايتۋىنشا, بىلتىر ناۋرىز مەرەكەسٸنٸڭ اتاپ ٶتٸلۋٸ قوعام اراسىندا قىزىعۋشىلىق تۋدىرعان. بيىلدان باستاپ ناۋرىز مەرەكەسٸ تەك باتىس ٶڭٸرٸندە ەمەس, بارلىق ايماقتا «كٶرٸسۋ» دەستٷرٸنەن باستاۋ الادى. قازٸرگٸ كەزدە مەرەكەلٸك ٸس-شارالار جوسپارى جاسالىپ وتىر. قر پرەزيدەنتٸ ەكٸمشٸلٸگٸنەن كەلگەن نۇسقاۋلىققا سەيكەس ناۋرىز تويى بيىل دا تٷركٸستاندا رۋحاني-تاريحي ەلوردا اتاۋىنىڭ مازمۇنىن تەرەڭ قالىپتاستىرۋ ماقساتىندا 10 كٷن اتاپ ٶتٸلمەك.
مەرەكە كەزٸندە تٷرلٸ مەدەني-كٶپشٸلٸك شارالاردان بٶلەك, «تٷركٸستان – سامارقاند – تٷركٸستان» باعىتىندا ەۋە رەيسٸ ٸسكە قوسىلادى. سونداي-اق وبلىس ەكٸمدٸگٸ مەن ايتىس اقىندارى مەن جىرشى-تەرمەشٸلەردٸڭ حالىقارالىق وداعىنىڭ ۇيىمداستىرۋىمەن تٷركٸستان وبلىسى مەن جامبىل وبلىسى اقىندارى, تەرمەشٸ, جىرشىلارى اراسىنداعى كوماندالىق ٶنەر دوداسى ۇيىمداستىرىلادى. «تٷركٸستان – تٷركٸ ەلەمٸنٸڭ تۋريستٸك استاناسى» تۋريستٸك ماۋسىمنىڭ اشىلۋ ٶتپەك. سونىمەن قاتار تٷركٸستان ٶڭٸرٸنە ەۋروپادان جۋرناليستەر كەلەدٸ دەپ كٷتٸلۋدە.
ناۋرىزدى بٸر كٷن ەمەس, تۇتاس اي بويى تويلاناتىن ٷردٸستەر بار ەكەنٸ مەلٸم. ۇمىت بولعان ۇلتتىق دەستٷرلەردٸ جاڭعىرتۋ, دەرٸپتەۋدٸ باعىت ەتە وتىرىپ ٶتكٸزٸلەتٸن 10 كٷندٸك ٸس-شارالار وبلىسقا تۋريستەردٸ كٶپتەپ تارتۋعا مٷمكٸندٸك بەرەدٸ.
ايتا كەتەيٸك, 8 ناۋرىز – حالىقارالىق ەيەلدەر كٷنٸ مەرەكەسٸنە وراي 6 ناۋرىز كٷنٸ وبلىس ەكٸمٸنٸڭ قاتىسۋىمەن تٷركٸستان مۋزىكالىق دراما تەاترىندا «كٶكتەمدەگٸ كەزدەسۋ» مۋزىكالىق-پوەتيكالىق قويىلىمى ٶتەدٸ. اتالعان قويىلىمدى «كونگرەسس حولل» كەشەنٸنٸڭ «Jana lep!» ٶنەر ۇجىمى ساحنالايدى. شارا بارىسىندا قوعامنىڭ تٷرلٸ سالاسىندا ٷلگٸگە اينالعان ارداقتى انالار ماراپاتتالىپ, قۇرمەت كٶرسەتٸلەدٸ.
