Biyl naýryz aiynda Túrkistanda mádeni jáne týristik is-sharalardy aýqymdy etip ótkizý josparlanyp otyr. Al onyń ótý barysy búgin oblys ákimi Darhan Satybaldynyń tóraǵalyǵymen ótken apparat májilisinde pysyqtaldy. Óńir basshysy Ulystyń uly kúnin joǵary deńgeide uiymdastyrýdy tapsyrdy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Jalpy Naýryz meiramyn merekeleý kezinde aýdan, qala ákimdikteri men barlyq basqarma atsalysyńyzdar. Jai ǵana óte salmasyn. Tiianaqty etip aýdan, qalada da birdei ótsin. Bul merekemen shektelip qalmai, josparly is-sharalar nazardan tys qalmaý kerek. Qolónershiler men sýretshiler kórmesin de jasaqtaýymyz kerek, – dedi Darhan Satybaldy.
Jiynda Túrkistan oblysy mádeniet jáne týrizm basqarmasynyń basshysy Ázimhan Qoilybaev baiandama jasady. Basqarma basshynyń aitýynsha, byltyr Naýryz merekesiniń atap ótilýi qoǵam arasynda qyzyǵýshylyq týdyrǵan. Biyldan bastap Naýryz merekesi tek batys óńirinde emes, barlyq aimaqta «Kórisý» dástúrinen bastaý alady. Qazirgi kezde merekelik is-sharalar jospary jasalyp otyr. QR Prezidenti Ákimshiliginen kelgen nusqaýlyqqa sáikes Naýryz toiy biyl da Túrkistanda rýhani-tarihi elorda ataýynyń mazmunyn tereń qalyptastyrý maqsatynda 10 kún atap ótilmek.
Mereke kezinde túrli mádeni-kópshilik sharalardan bólek, «Túrkistan – Samarqand – Túrkistan» baǵytynda áýe reisi iske qosylady. Sondai-aq oblys ákimdigi men Aitys aqyndary men jyrshy-termeshilerdiń halyqaralyq odaǵynyń uiymdastyrýymen Túrkistan oblysy men Jambyl oblysy aqyndary, termeshi, jyrshylary arasyndaǵy komandalyq óner dodasy uiymdastyrylady. «Túrkistan – túrki áleminiń týristik astanasy» týristik maýsymnyń ashylý ótpek. Sonymen qatar Túrkistan óńirine Eýropadan jýrnalister keledi dep kútilýde.
Naýryzdy bir kún emes, tutas ai boiy toilanatyn úrdister bar ekeni málim. Umyt bolǵan ulttyq dástúrlerdi jańǵyrtý, dáripteýdi baǵyt ete otyryp ótkiziletin 10 kúndik is-sharalar oblysqa týristerdi kóptep tartýǵa múmkindik beredi.
Aita keteiik, 8 naýryz – Halyqaralyq áielder kúni merekesine orai 6 naýryz kúni oblys ákiminiń qatysýymen Túrkistan mýzykalyq drama teatrynda «Kóktemdegi kezdesý» mýzykalyq-poetikalyq qoiylymy ótedi. Atalǵan qoiylymdy «Kongress holl» kesheniniń «Jana lep!» óner ujymy sahnalaidy. Shara barysynda qoǵamnyń túrli salasynda úlgige ainalǵan ardaqty analar marapattalyp, qurmet kórsetiledi.
