بۇل جولى ينۆەستيسيالار جانە دامۋ مينيسترلىگىنە قاراستى قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ كەلدى. ءتوراعا ۇيلەردىڭ «اقىلدى» بولۋىن قاداپ ايتتى.
تۇركىستاندا جاڭادان بوي كوتەرەتىن شاعىناۋدان «وتىرار» دەپ اتالادى. جالپى 6500 شارشى مەتر اۋماققا 11 كوپقاباتتى تۇرعىن ءۇيدىڭ قۇرىلىسى ءجۇرىپ جاتىر. مۇندا 5 قاباتتى 60 پاتەردەن تۇراتىن ارەندالىق ۇيلەر سالىنۋدا. ءقازىر 6 مەردىگەر كومپانيا قارقىندى جۇمىس ىستەپ، قۇرىلىستى كەلەر جىلى اياقتاۋعا نيەتتەنىپ وتىر. تۇرعىن ۇيلەردى سالۋعا رەسپۋبليكالىق بيۋدجەتتەن 3 ملرد. تەڭگەگە جۋىق قارجى قارالعان.
تۇركىستان قالالىق قۇرىلىس ءبولىمىنىڭ باسشىسى ءابدىسامات يسرايلوۆتىڭ ايتۋىنشا 60 پاتەرلى 5 قاباتتى 20 ءۇي ارەندالىق ءۇي.
"ودان بولەك، نەسيەگە بەرىلەتىن 6 ءۇي سالىپ جاتىرمىز. ونىڭ تورتەۋى تۇرعىن ءۇي، ەكەۋى كوممەرسيالىق تۇرعىن ءۇي بولادى. ءقازىر 11 ءۇيدىڭ قۇرىلىسى ءجۇرىپ جاتىر. جالپى قۇنى 4 ملرد. 105 ملن. تەڭگە. ودان كەيىن 9 ءۇيدىڭ قۇجاتى كونكۋرستان وتۋدە"، – دەيدى ول.
وبلىس ورتالىعىنداعى ۇيلەر «اقىلدى» بولادى. ءارى ينفراقۇرىلىمى تۇگەلدەي تارتىلىپ، تۇرعىندارعا ىڭعايسىزدىق تۋدىرمايدى. الدىن الا ءار تەتىگىن قۇنتتاپ العان قۇرىلىس كومپانيالارىن مينيسترلىكتىڭ ءوزى، ياعني قۇرىلىس جانە تۇرعىن ءۇي كوممۋنالدىق شارۋاشىلىق ىستەرى كوميتەتى قاداعالايتىن بولادى. سوندىقتان بولار، كوميتەت ءتوراعاسى ءجۇرىپ جاتقان قۇرىلىس باسىنا ارنايى بارىپ، قالانىپ جاتقان كىرپىشىنەن باستاپ، قاعىلاتىن شەگەسىنە دەيىن كورىپ شىقتى.
قۇرىلىس جۇمىستارىمەن تانىسىپ شىققان ءتوراعا جاۋاپتى ماماندارمەن جيىن وتكىزدى. كوپقاباتتى تۇرعىن ۇيلەردى سيفرلاندىرۋ قاجەتتىگىن قاداپ ايتتى. ايتىپ وتەيىك، كەلەر جىلى تۇركىستان قالاسىندا 3 — ءشى كلاستى 42 كوپقاباتتى تۇرعىن ءۇي بوي كوتەرەدى.
