Túrkistan: memlekettik baǵdarlama boiynsha salynatyn baspanalar jiti baqylaýda
Bul joly Investitsiialar jáne damý ministrligine qarasty Qurylys jáne turǵyn úi kommýnaldyq sharýashylyq isteri komitetiniń tóraǵasy Marhabat Jaiymbetov keldi. Tóraǵa úilerdiń «aqyldy» bolýyn qadap aitty.
Túrkistanda jańadan boi kóteretin shaǵynaýdan «Otyrar» dep atalady. Jalpy 6500 sharshy metr aýmaqqa 11 kópqabatty turǵyn úidiń qurylysy júrip jatyr. Munda 5 qabatty 60 páterden turatyn arendalyq úiler salynýda. Qazir 6 merdiger kompaniia qarqyndy jumys istep, qurylysty keler jyly aiaqtaýǵa niettenip otyr. Turǵyn úilerdi salýǵa respýblikalyq biýdjetten 3 mlrd. teńgege jýyq qarjy qaralǵan.
Túrkistan qalalyq qurylys bóliminiń basshysy Ábdisamat Israilovtyń aitýynsha 60 páterli 5 qabatty 20 úi arendalyq úi.
"Odan bólek, nesiege beriletin 6 úi salyp jatyrmyz. Onyń tórteýi turǵyn úi, ekeýi kommertsiialyq turǵyn úi bolady. Qazir 11 úidiń qurylysy júrip jatyr. Jalpy quny 4 mlrd. 105 mln. teńge. Odan keiin 9 úidiń qujaty konkýrstan ótýde", – deidi ol.
Oblys ortalyǵyndaǵy úiler «aqyldy» bolady. Ári infraqurylymy túgeldei tartylyp, turǵyndarǵa yńǵaisyzdyq týdyrmaidy. Aldyn ala ár tetigin qunttap alǵan qurylys kompaniialaryn Ministrliktiń ózi, iaǵni Qurylys jáne turǵyn úi kommýnaldyq sharýashylyq isteri komiteti qadaǵalaityn bolady. Sondyqtan bolar, komitet tóraǵasy júrip jatqan qurylys basyna arnaiy baryp, qalanyp jatqan kirpishinen bastap, qaǵylatyn shegesine deiin kórip shyqty.
Qurylys jumystarymen tanysyp shyqqan tóraǵa jaýapty mamandarmen jiyn ótkizdi. Kópqabatty turǵyn úilerdi tsifrlandyrý qajettigin qadap aitty. Aityp óteiik, keler jyly Túrkistan qalasynda 3 — shi klasty 42 kópqabatty turǵyn úi boi kóteredi.
