تۇرعىن ٷي قورىن جاڭارتۋ حالىقتىڭ ٶمٸر سٷرۋ دەڭگەيٸن جاقسارتۋدىڭ ماڭىزدى مٸندەتتەرٸنٸڭ بٸرٸ بولىپ تابىلادى. جاڭاٶزەندە تۇرعىن ٷي قورىنىڭ اپاتتىلىق جاعدايى مەن توزىعى جەتۋٸ مەسەلەلەرٸ كٷن تەرتٸبٸندە تۇر. مۇنداي جاعدايدا تۇرعىن ٷيدٸ جاڭعىرتۋ مەسەلەسٸ بٸرٸنشٸ ورىنعا شىعادى.
2022 جىلدان باستاپ جاڭاٶزەندە 2020-2025 جىلدارعا ارنالعان "نۇرلى جەر" مەملەكەتتٸك تۇرعىن ٷي-كوممۋنالدىق دامۋ باعدارلاماسىنا سەيكەس تۇرعىن ٷي قورىن جاڭارتۋ باعدارلاماسى جۇمىس ٸستەيدٸ. وسى ماقساتتارعا بيۋدجەتتەن 1,2 ملرد. تەڭگە بٶلٸندٸ.
قازٸرگٸ ۋاقىتتا جاڭاٶزەن قالاسىندا 262 كٶپقاباتتى ٷي بار, ونىڭ 232-سٸ 1960-1980 جىلدار ارالىعىندا سالىنعان. اعىمداعى جٶندەۋ جۇمىستارى اياسىندا ولاردىڭ ەكەۋٸ اپاتتى دەپ جارييالانىپ, ول ٷيلەردٸڭ 200-دەن استام تۇرعىنى باسقا ٷيلەرگە كٶشٸرٸلدٸ.
سونىمەن قاتار, جاڭاٶزەندە 40 ەسكٸ ٷي بار, قازٸرگٸ تاڭدا ولاردىڭ اعىمداعى جاعدايىن انىقتاۋ ٷشٸن, ساراپتامالىق باعالاۋ جٷرگٸزۋگە جٸبەرٸلدٸ. تالداۋ نەتيەجەسٸ بەلگٸلٸ بولعان سوڭ, اپاتتىق دەپ تانىلعان عيماراتتار بۇزىلىپ, قالعاندارى كٷردەلٸ جٶندەۋدەن ٶتەدٸ.
جاڭاٶزەن تۇرعىندارىن تولعاندىراتىن تاعى بٸر مەسەلە-سۋ تاپشىلىعى. قالادا جازدا - ورتاشا ەسەپپەن تەۋلٸگٸنە 42 مىڭ تەكشە مەتر, ال قىستا - تەۋلٸگٸنە 30 مىڭ تەكشە مەترگە دەيٸن سۋ بەرٸلەدٸ.
بۇل مەسەلەنٸ شەشۋ ٷشٸن 2025 جىلعا دەيٸنگٸ كەشەندٸ دامۋ جوسپارى شەڭبەرٸندە قۋاتتىلىعى تەۋلٸگٸنە 50 مىڭ تەكشە مەتر تەڭٸز سۋىن تۇششىتۋ زاۋىتىن ٸسكە قوسۋ جوسپارلانعان.
حالىقپەن التى ساعاتتىق كەزدەسۋدە تۇرعىندار جۇمىسپەن قامتۋ, مەديتسينالىق قىزمەتتەردٸڭ ساپاسى, بيزنەستٸ دامىتۋ, ەسكٸ كٶپپەتەرلٸ ٷيلەرگە كٷردەلٸ جٶندەۋ جٷرگٸزۋ سيياقتى تٷرلٸ سۇراقتار قويدى.
ەسەپتٸ كەزدەسۋگە قاتىسقانداردىڭ كەيبٸرٸ تۇرعىن ٷي الۋعا جەردەمدەسۋ, سونداي-اق مۇناي-گاز سالاسىنا جۇمىسقا ورنالاستىرۋ تۋرالى ٶتٸنٸش جاسادى.
نۇرلان نوعاەۆ حالىقتىڭ تۋىندايتىن بارلىق مەسەلەلەرٸن قولدانىستاعى زاڭناما شەڭبەرٸندە شەشۋ قاجەت ەكەنٸن اتاپ ٶتتٸ.
- پرەزيدەنت قاسىم-جومارت توقاەۆ ٶز جولداۋىندا مەملەكەتتٸك ورگانداردىڭ ٶز جۇمىسىندا ەدٸلدٸك پەن اشىقتىق قاعيداتتارىن باسشىلىققا الۋىنىڭ اجىراماس ماڭىزدىلىعىن بٸلدٸردٸ. ول حالىقتا تۋىندايتىن بارلىق مەسەلەلەر, سونىڭ ٸشٸندە جۇمىسقا ورنالاسۋعا جەنە اۋىز سۋعا قول جەتكٸزۋدٸ قامتاماسىز ەتۋگە بايلانىستى مەسەلەلەر قولدانىستاعى زاڭناماعا سەيكەس قاتاڭ شەشٸلۋٸ تيٸس ەكەندٸگٸنە ەرەكشە نازار اۋداردى. مۇناي-گاز سالاسىنا جۇمىسقا ورنالاسۋعا كەلەتٸن بولساق, مەن كەلٸسٸلگەن الگوريتمنٸڭ تالاپتارىن ساقتاماي, بارلىعىن, تٸپتٸ كەزەكسٸز ۇيىمداستىرۋدىڭ مٷمكٸن ەمەستٸگٸ تۋرالى بٸرنەشە رەت ايتتىم.
بٸز ەرقاشان اشىق ديالوگ قۇرۋعا دايىنبىز. الايدا وسى تۇستا مەنٸڭ اتاپ ٶتكٸم كەلەتٸن مەسەلە-تەك مۇناي ٶنەركەسٸبٸندە عانا ەمەس, باسقا سالالاردا دا قىزمەت اتقارۋ مٷمكٸنشٸلٸكتەرٸن قاراۋ كەرەك. مەسەلەن, كٶپتەگەن تۇرعىندارىمىز دەرٸگەرلەردٸڭ تاپشىلىعى تۋرالى ايتادى, وسى مەسەلەنٸ شەشۋ ٷشٸن مەملەكەت كٶپتەگەن گرانتتار بٶلٸپ تەگٸن بٸلٸم بەرۋدە. سونداي-اق, بيزنەسپەن اينالىسامىن دەيتٸن جاندارعا-بٸز مەملەكەتتٸك قولداۋ شارالارىنا كەپٸلدٸك بەرەمٸز. سونىمەن قاتار, بولاشاقتا جاسىل ەنەرگەتيكا, اۋىل شارۋاشىلىعىن دامىتۋ جەنە باسقا دا كٶپتەگەن جاڭا سالالاردا مٷمكٸندٸكتەر ٶتە كٶپ, - دەدٸ ماڭعىستاۋ وبلىسىنىڭ ەكٸمٸ.
ەسەپتٸ كەزدەسۋ اياقتالعان سوڭ نۇرلان نوعاەۆ جاڭاٶزەننٸڭ 88 تۇرعىنىن قابىلدادى. ال جاڭاٶزەن قالاسىنا ٷش كٷندٸك ٸس-ساپار بارىسىندا ايماق باسشىسى جالپى ەسەپتە 145 تۇرعىنمەن جەكە كەزدەسٸپ, مەسەلەلەرٸن تىڭدادى.
