تۇردىبەك قۇرمەتحان: «مىڭ ٶلٸپ, مىڭ تٸرٸلگەن» قازاعىما راقمەت!
بار قازاق بٸر بٸرٸمٸزگە راقمەتٸمٸزدٸ ايتايىق. ەر قازاق بٸر بٸرمٸزگە باۋىر بولعانىمىز ٷشٸن راقمەت ايتايىق. قازاقتىڭ تەۋەلسٸز وتانىندا ۇلت ٷشٸن ەڭبەك ەتٸپ جاتقان ەرلەرٸمٸزگە, ۇلتتىڭ رۋحىن كٶتەرٸپ قازاق اتىن ەلەمگە تانىتىپ جاتقان ازاماتتارىمىز بەن ازاماتشالارىمىزعا, قاي سالادا بولسا دا ەڭبەك ەتٸپ جاتقان بارشا قازاق باۋىرلارىمىزعا راقمەتٸمٸزدٸ ايتايىق.
وسى كٷنگە امان جەتٸپ, ەلٸمٸزدٸ, جەرٸمٸزدٸ, ۇلتتىق سيپاتىمىزدى ساقتاپ قالعانىمىز ٷشٸن, ٶزگەلەردٸڭ قيياناتىنان بٸر بٸرٸمٸزدەن الىستاپ كەتٸپ, قايتا باسىمىز قوسىلعاندا بٸر-بٸرٸمٸزدٸ جاتسىنباعانىمىز ٷشٸن راقمەت, قازاعىم! قازاق عاسىرلار بويى از ازاپ شەككەن جوق. قازٸرگٸ يە بولىپ وتىرعان جەرٸمٸزدٸڭ ٸشٸندە بولسىن, سىرتىندا بولسىن بار قازاق ٶتە اۋىر كٷندەردٸ باستان ٶتكٸزدٸ.
قازاقتىڭ تەڭ جارىمىنان استامى قىرىلىپ, بٸر بٶلٸمٸ شەت اسىپ كەتۋگە دە مەجبٷر بولدى. زۇلمات سوعىستى دا باستان ٶتكٸزدٸ. كەڭەس ٷكٸمەتٸ جەرٸمٸزدٸ تالان-تارجىعا سالماق تا بولدى. رۋحىمىزدى ٶشٸرٸپ, تٸلٸمٸزدٸ جويماق بولدى. ساعىمىزدى سىندىرىپ, ٶزگەگە بيلەتپەك بولدى. قازاق وسىنىڭ بەرٸمەن كٷرەسە بٸلدٸ.
الاش وردا بولىپ ۇلت مٷددەسٸ ٷشٸن ازاماتتارىمىز جانىن ساداعا ەتتٸ. بيلٸكتٸ ۇلت مٷدەسٸنەن جوعارى قويماعان تەشەنوۆ سيياقتى ارىستارىمىز جەرٸمٸزدٸ ساقتاپ قالدى. جەلتوقساندا جاستارىمىز قازاقتىڭ ٶر نامىسىن ٶزگەگە باستىرماۋعا بەل بۋدى. تەۋەلسٸزدٸك العان سوڭ «بٸزدٸڭ ەلدٸڭ جٸگٸتتەرٸ» ەلٸمٸزدٸ «قوقسىقتاردان» تازارتتى.
بۇدان دا باسقا ايتا بەرسەك, قازاق حاقىندا ەڭگٸمە تاۋسىلماس.
«مەن قازاقپىن, مىڭ ٶلٸپ, مىڭ تٸرٸلگەن» دەگەندەي, سان جولدى باسىپ بٷگٸنگە جەتكەن قازاعىما راقمەت! تەۋەلسٸزدٸگٸمٸزگە كۋە بولعان ەر قازاققا راقمەتٸمدٸ ايتامىن. مەن قازاقستاننىڭ قازٸرگٸ اۋماعىندا ٶمٸر سٷرٸپ, تەۋەلسٸزدٸك العان كەزٸمٸزدە بٸزگە شٷيٸنشٸلەپ وتانىمىزعا شاقىرىپ, كەلگەنٸمٸزدە قۇشاق جايىپ قارسى العان ەر قازاققا باسىمدى يٸپ تۇرىپ, راقمەتٸمدٸ ايتامىن. بٸز ەلەمدەگٸ ەر قازاق – ازات قازاق بولىپ, بەرەكەلٸ دە باۋىرمال بولا بەرەيٸك! قازاقتىعىمىزدان ايىرماعان جاراتۋشىعا مىڭ دا بٸر راقمەت!
