قارجىلىق تەحنولوگيالاردىڭ جاڭا ءداۋىرى تۇركى ەلدەرىنە قاراي بەت الدى. Turan قارجىلىق قوسىمشاسى ءوزىنىڭ سيفرلىق ءاميان قىزمەتىن ەندى ازەربايجان نارىعىنا ۇسىناتىنىن مالىمدەدى. بۇل جاي عانا قوسىمشا ءبىر باستاما ەمەس، بۇل – تۇركى الەمىندەگى قارجىلىق ينتەگراسيانى كۇشەيتۋ جولىنداعى باتىل قادام.
كومپانيانىڭ رەسمي مالىمدەمەسىندە بۇل وقيعا Turan-نىڭ «تۇركى مەملەكەتتەرى اراسىنداعى قارجىلىق بايلانىستاردى نىعايتۋ» ميسسياسىمەن تىعىز بايلانىستى ەكەنى ايتىلدى. شىن مانىندە، بۇل – جاي عانا قوسىمشانىڭ كەڭەيۋى ەمەس، ورتاق ەكونوميكالىق كەڭىستىكتىڭ قالىپتاسۋىنا جاسالعان ناقتى ارەكەت.
Turan ازىرگە ازەربايجان نارىعىنا كىردى، ءبىراق بۇل تەك باسى عانا. جاقىن ارادا قوسىمشا قازاقستان، قىرعىزستان جانە وزبەكستاندا دا ليسەنزيالانعان قارجىلىق قىزمەتتەرىن ىسكە قوسپاق.
بۇعان قوسا، سيفرلىق ءاميان تۇركى الەمىنىڭ باستى باعىتتارىن بايلانىستىراتىن قارجى دالىزدەرىن قالىپتاستىرادى. Turan قولدانۋشىلارى ازەربايجان، قازاقستان، سولتۇستىك كيپر تۇرىك رەسپۋبليكاسى، قىرعىزستان جانە وزبەكستان اراسىندا جىلدام اقشا اۋدارىمدارىن جاساي الادى.
بۇرىن شەكارا دەگەن بار ەدى، بانكتىك جۇيەلەردىڭ شەكتەۋلەرى مەن كوميسسيالارى ادامداردىڭ قالتاسىنان قاعىپ جاتاتىن. ەندى بۇل وزگەرەتىن ۋاقىت كەلدى. Turan-نىڭ ۇسىنعان قىزمەتتەرى حالىقارالىق اۋدارىمداردى جىلدام، ءتيىمدى ءارى قولجەتىمدى ەتپەك. بۇل جاڭالىق تۇركى الەمىندەگى ميلليونداعان ادامنىڭ قارجىلىق ەركىندىگىن ارتتىرۋعا باعىتتالعان.
Turan نەگىزىن قالاۋشى جانە باس ديرەكتورى وزگۇر بايراقتار ازەربايجانداعى ليسەنزيالانعان قىزمەتتىڭ باستالۋى – بۇكىل تۇركى الەمىنىڭ قارجىلىق بايلانىسىن كۇشەيتۋگە جاسالعان ستراتەگيالىق قادام ەكەنىن ەرەكشە اتاپ ءوتتى. ونىڭ ايتۋىنشا، Turan ءداستۇرلى بانكتىك جۇيەلەردەن جىلدام ءارى ءتيىمدى بالاما ۇسىنىپ، قارجى نارىعىندا جاڭا ەرەجەلەر ورناتپاق.
– Turan ماقساتتى ەلدەر اراسىنداعى قارجىلىق دالىزدەردى قايتا قۇرىپ، ءامياننان ءاميانعا اۋدارىم ينفراقۇرىلىمىن كۇشەيتەدى. ءداستۇرلى بانكتىك جۇيەلەردەن جىلدام ءارى قولجەتىمدى شەشىمدەر ۇسىنىپ، تۇركى الەمىندەگى قارجىلىق شەكارالاردى جويادى، – دەدى بايراقتار.
قارجىلىق شەكارالار جويىلادى، ال ادامدار ءوز اقشاسىن ەش قيىندىقسىز تۇركى ەلدەرىنە جىبەرە الاتىن ۋاقىت جاقىنداپ كەلەدى. بۇل تەك قوسىمشا عانا ەمەس، بۇل – ورتاق ەكونوميكالىق كەڭىستىكتىڭ شىنايى نەگىزى.
