كورمەنىڭ ءبىرىنشى بولىمىندە ەلباسى ن.ءا.نازاربايەۆتىڭ 1985 جىلى قازاق سسر مينيسترلەر كابينەتىنىڭ باسشىسى، ەگەمەندى، تاۋەلسىز قازاقستاننىڭ تۇڭعىش پرەزيدەنتى تۇسىنداعى، باۋىرلاس تۇركيا رەسپۋبليكاسىنىڭ پرەزيدەنتتەرى تۇرعىت وزال، سۇلەيمەن دەميرەل، احمەت سەزار، ابدۋللا گۇل، رەدجەپ تايىپ ەردوعان، وزبەكستان رەسپۋبليكاسىنىڭ پرەزيدەنتى ي.كاريموۆپەن، 2018 جىلعى تۇركىستانداعى رەسمي ساپارلارىنان سىر شەرتەتىن فوتوسۋرەتتەرى ەكسپوزيسيادان ورىن الدى.
كورمەنىڭ ەكىنشى بولىمىندە اۋليەلەردىڭ سۇلتانى اتانعان قوجا احمەت ياساۋي مۇراسىنا ارنالادى.
قوجا احمەت ءياساۋيدىڭ ارتىندا قالعان باعا جەتپەس مۇرالارى حVءىىى عاسىرعا ءتان «ديۋاني حيكمەت» كىتابىنىڭ قولجازبا جانە باسپا نۇسقالارى، ءحىح عاسىردا قايتا كوشىرىلگەن «ءريسوللا ءدار ادابي تاريقات»، «ناسابناما» شەجىرەسى، ۇلى تۇلعانىڭ شاكىرتتەرى س.ءباقىرعانيدىڭ «ديۋان» قولجازبا ەڭبەگى، شەيح حۋدايداد تاش-مۋحاممەد ءال-بۋحاريدىڭ «بۋستان ۋل ءمۋحيببيننىڭ» تۇركى تىلىندە جازىلعان قولجازبا ەڭبەگى، ءا.ءناۋايدىڭ «عازالدارى»، سوفى اللاياردىڭ «مۋسليك ال-مۋتتاكين»، «اۋليەنىڭ وسيەتتەرى» ەڭبەگى، قوجا ءحافيزدىڭ «ديۋانى»، يمام ءماعرۋديدىڭ «قيسسالارى»، اۋليە بيدەلدىڭ «ديۋان» ەڭبەكتەرى قويىلدى.
كورمەنىڭ ءۇشىنشى بولىمىندە تۇركىستان وڭىرىندەگى كيەلى ورىندار مەن تاريحي ەسكەرتكىشتەر جايىندا فوتوسۋرەتتەر كوپشىلىك نازارىنا ۇسىنىلدى. قازىرگى تاڭدا، 24000-نان اسا جادىگەرى بار "ازىرەت سۇلتان" مەملەكەتتىك تاريحي-مادەني قورىق-مۋزەيى قوجا احمەت ياساۋي مۇرالارىن ساقتاپ، جيناقتاپ كەلۋشىلەرگە ۇزدىكسىز قىزمەت كورسەتۋمەن اينالىسادى.
ايتا كەتسەك، ەلباسىمىز ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى مەن كۇنى كەشە عانا جاريالانعان «ۇلى دالانىڭ جەتى قىرى» اتتى ماقالاسىندا التاي مەن اتىراۋدىڭ اراسىن، ەرتىس پەن ەسىلدىڭ جاعاسىن مەكەندەپ، قاراتاۋدان ۇلىتاۋعا دەيىنگى ۇلى دالانى جايلاعان ۇلتىمىزدىڭ ۇلىلىعىنا، بابالارىمىزدىڭ باتىرلىعىنا ەل تاعى دا ءبىر مارتە قانىقتى.
ۇلى دالانىڭ ۇلى ەسىمدەرىن حالىق جادىندا ماڭگى ساقتاۋ ارقىلى ۇلى بابامىز قوجا احمەت ءياساۋيدىڭ رۋحاني مۇراسى مەن ءىلىمىن حالىق ساناسىندا جاڭعىرتىپ قانا قويماي، قارعا تامىرلى قازاقتىڭ عانا ەمەس ءتۇبى تۇركى دۇنيەسىنىڭ رۋحاني تاريحىنىڭ جاڭا بەتتەرىن تانۋعا جول اشىلدى دەۋگە تولىق نەگىز بار.
