مەرەيتوي اياسىندا اۋدانداعى م.ح.دۋلاتي اتىنداعى اۋداندىق مادەنيەت ۇيىندە «تامىرى تەرەڭ، تاريحى كەمەل – تۇركىباسى» اتتى عىلىمي-پراكتيكالىق كونفەرەنسيا ءوتتى. باسقوسۋدا العاشقى ءسوز كەزەگىن العان وبلىس اكىمى ج.تۇيمەبايەۆ اۋدان تۇرعىندارىن ايتۋلى مەرەكەمەن قۇتتىقتادى.
– پرەزيدەنتىمىز «بولاشاققا باعدار: رۋحاني جاڭعىرۋ» باعدارلامالىق ماقالاسىندا قازاقستاننىڭ قاسيەتتى ورىندارى، كيەلى جەرلەرى تۋرالى ەرەكشە جازعان. تۇركىستان وبلىسىندا قاسيەتتى دە كيەلى ورىندار كوپ. بيىل ءبىزدىڭ وڭىردە بىرنەشە اۋدان وزدەرىنىڭ توقسان جىلدىعىن اتاپ وتەدى. وسى اۋدان، ايماقتاردىڭ ءبارى دە كيەلى، قاسيەتتى. سولاردىڭ ءبىرى ءارى بىرەگەيى — تۇلكىباس اۋدانى، تۇركىباسى ايماعى قاراتاۋ مەن الاتاۋدىڭ تۇيىسكەن ءتورى. تاريحى تەرەڭ، تابيعاتى تاڭعاجايىپ تۇلكىباس اۋدانىنىڭ قۇرىلعانىنا 90 جىل تولىپ وتىر. ەلباسىمىز ايتقانداي، تويدى دا تويلاۋ كەرەك، ويدى دا ويلاۋ كەرەك. ءاربىر توي، جاڭا جۇمىستاردىڭ تولاعاي، تىرلىكتەردىڭ باستاۋى بولۋى ءتيىس. تۇركىباسى اۋليە قاسيەتتى ورنىنىڭ جاقسارۋى، جاڭعىرۋى قۇت بەرەكە اكەلسىن، – دەدى جانسەيىت قانسەيىت ۇلى.
كونفەرەنسيادا وبلىس باسشىسى اۋداننىڭ ءبىر توپ ازاماتتارىن العىس حاتپەن ماراپاتتادى. كونفەرەنسيادا قوعام قايراتكەرى ز.تۇرىسبەكوۆ، عالىمدار م.مىرزاحمەتوۆ، د.قوجامجاروۆا جانە د.قامزابەك بايانداما جاساپ، جان-جاقتى تالقىلانىپ، تالدادى.
مەرەكەلىك جيىن ت.رىسقۇلوۆ اۋىلىنداعى «تۇڭعىش پرەزيدەنت» ساياباعىندا جالعاسىن تاپتى. ساياباقتا ونەرپازدار ءوز ونەرلەرىن تارتۋ ەتسە، سپورتتىق جارىستار مەن «جايدارمان» ويىنى بۇقارا حالىقتىڭ كوڭىلىن كوتەردى.
سونداي-اق، مەرەكەلىك شارادا اۋدان قولونەر شەبەرلەرى كورمەسى قويىلدى. مەرەكەنىڭ جالعاسى رەسپۋبليكاعا، وبلىسقا تانىمال انشىلەردىڭ گالا كونسەرتىمەن جالعاسىپ، ءىس-شارا سوڭى مەرەكەلىك وتشاشۋمەن اياقتالدى.
تۇركىستان وبلىسى اكىمىنىڭ باسپا ءسوز قىزمەتى
