ءنۇرالى الييەۆ (داريعا نازاربايەۆانىڭ بالاسى) "ترانستەلەكوم" اق-داعى ءوز ۇلەسىن ساتقاننان كەيىن، كومپانيا ديرەكتورلار كەڭەسىندەگى ونىڭ ورنىنا Jusan Mobileء-دىڭ ءۇش توپ-مەنەدجەرى كەلدى. مۇنى KASE-دە جاريالانعان كومپانيا قۇجاتىنان كورۋگە بولادى، دەپ جازادى Dalanews.kz.
قۇجاتتاعى دەرەكتەرگە سايكەس، "ترانستەلەكوم" ديرەكتورلارى كەڭەسىنىڭ قۇرامىنا 12 اقپاندا وزگەرىستەر ەنگىزىلگەن. كەڭەس قۇرامى تىزىمىنەن الييەۆپەن بىرگە تاعى ەكى توپ مەنەدجەردىڭ (بەرىك وتەمۇراتوۆ جانە ەلدار عۇماروۆ) ءاتى-جونى سىزىلعان.
ال الييەۆپەن بىرگە كومپانيانىڭ 75% اكسياسىن ءوز باقىلاۋىندا ۇستاعان دميتريي پوكۋپاتەليەۆ ديرەكتورلار كەڭەسىنىڭ ءتوراعاسى بولىپ قايتا تاعايىندالدى.
ونىمەن بىرگە جاڭارتىلعان قۇرامعا Jusan Mobileء-دىڭ ءۇش وكىلى كىردى:
- قايرات بالىقبايەۆ - Jusan Mobile باسقارماسىنىڭ ءتوراعاسى، بۇرىن اقپارات جانە كوممۋنيكاسيالار ۆيسە-مينيسترى، ەۋرازيالىق دامۋ بانكىنىڭ سيفرلىق باستامالار ديرەكسياسىنىڭ باسقارۋشى ديرەكتورى، ساۋدا جانە ينتەگراسيا ۆيسە-مينيسترى بولعان.
- اندرەي مارچەنكو - Jusan mobile ديرەكتورلار كەڭەسىنىڭ ءتوراعاسى.
- نۇرلان ارىنعازييەۆ - Jusan mobile ديرەكتورلار كەڭەسىنىڭ مۇشەسى.
KASE-دە جاريالانعان قۇجاتتاعى دەرەكتەرگە سايكەس، ديرەكتورلار كەڭەسىنىڭ جاڭا مۇشەلەرى "Unit Telecom" ج ش س اكسيونەرىنىڭ وكىلدەرى بولىپ تابىلادى. ونىڭ قۇرىلتايشىلارى رەتىندە،11 اقپانداعى جاعداي بويىنشا، دميتريي پوكۋپاتەليەۆ پەن ءنۇرالى الييەۆ بولىپ تابىلادى. بۇل دەرەكتەر جاقىن ارادا تاعى جاڭارتىلۋى ءتيىس.
سونىمەن قاتار 13 اقپاندا قازاقستانداعى ەڭ باي ادامداردىڭ ءبىرى ۆياچەسلاۆ كيم عالىمجان ەسەنوۆتەن Jusan Bank اكسيالارىن ساتىپ العالى جاتقانىن راستادى. ال ەسەنوۆ ءوزىنىڭ JV Holding Ltd حولدينگتىك كومپانياسى ارقىلى وسى ءسوز ەتىلىپ وتىرعان Jusan Mobile ء-دى باسقارادى.
