"ترانستەلەكوم" "TTS RailTech" ج ش س كومپانياسىنىڭ قوجايىنى اتاندى. اتالعان مامىلە 2025 جىلدىڭ 28 ساۋىرىندە جاسالعان. بۇل تۋرالى قازاقستان قور بيرجاسىندا (KASE) اقپارات پايدا بولدى. وسىلايشا "ترانستەلەكوم" تاعى ءبىر اكتيۆپەن تولىقتى، دەپ حابارلايدى Dalanews.kz.
قۇجاتتا استانادا تىركەلگەن "TTS RailTech" جشس-نىڭ "ترانستەلەكوم" جالعىز قۇرىلتايشىسى رەتىندە كورسەتىلگەن. باسشى رەتىندە "ترانستەلەكومنىڭ" توپ-مەنەدجەرى سەرگەي نيكيتەنكو ەكەنى ايتىلادى، ال ول 2025 جىلدىڭ ءساۋىر ايىنىڭ ورتاسىندا باس كومپانيا ءتوراعاسىنىڭ وپەراسيالىق قىزمەتتەر جونىندەگى ورىنباسارى بولىپ سايلانعان ەدى.
TTC RailTech اينالىساتىن قىزمەتتىڭ ءتۇرى بىلاي سيپاتتالادى: "وزگە توپتاردا قاراستىرىلمايتىن باسقا دا جەكە قىزمەتتەردى ۇسىنۋ".
ايتا كەتسەك، سوڭعى رەت "ترانستەلەكوم"اق 2025 جىلى ناۋرىزدا "Railverse" كومپانياسىنىڭ 100% ۇلەسىنە ەنشىلەدى. "Railverse" ج ش س 2009 جىلدىڭ قاڭتارىندا تىركەلگەن، استانادا ورنالاسقان. كومپانيا سايتىنداعى مالىمەتتەرگە سايكەس، كومپانيا باعدارلامالىق قامتاماسىز ەتۋشى جاساقتامالاردى ازىرلەيدى، قازاقستاندا سەرتيفيكاتتالاتىن اۆتوماتتاندىرۋ جيىنتىق قۇرىلعىلارىن شىعارادى، ينفراقۇرىلىم وبەكتىلەرىندە ىزدەستىرۋ جانە زەرتتەۋ جۇمىستارىن جۇرگىزەدى جانە ت.ب. 2012-2015 جىلدارى Railverse "ترانستەلەكوم" ءۇشىن تەمىرجول كولىگىندەگى ەلەكتر ەنەرگياسى مەن ديزەل وتىنىن تۇتىنۋدى ەسەپكە الۋدىڭ، باقىلاۋدىڭ جانە تالداۋدىڭ اۆتوماتتاندىرىلعان جۇيەسىنىڭ جوباسىن ازىرلەگەن. Railverse كليەنتتەرىنىڭ قاتارىندا قتج، "قازترانسويل"، "پەتروقازاقستان قۇمكول رەسورسيز"، "قاراعاندى جارىق" جانە ت. ب. بار.
2025 جىلى 11 اقپاندا ءنۇرالى الييەۆ "ترانستەلەكوم" اق ديرەكتورلار كەڭەسى ءتوراعاسى رەتىندەگى وكىلەتتىگىن توقتاتاتىنىن مالىمدەدى. ول اكسيونەرلەر قۇرامىنان شىعىپ، كومپانيا ساتىلۋىنا بايلانىستى ديرەكتورلار كەڭەسى ءتوراعاسى كرەسلوسىن بوساتىنىن ايتتى. دەگەنمەن ول جاناما تۇردە، قۇجات بويىنشا ءالى دە "ترانستەلەكوم" اق اكسيونەرى بولىپ تابىلاتىنىن ايتا كەتەلىك.
قور بيرجاسىنداعى قۇجاتتاعى دەرەكتەرگە سايكەس، "ترانستەلەكوم" ديرەكتورلارى كەڭەسىنىڭ قۇرامىنا 12 اقپاندا وزگەرىستەر ەنگىزىلدى. كەڭەس قۇرامى تىزىمىنەن الييەۆپەن بىرگە تاعى ەكى توپ مەنەدجەردىڭ (بەرىك وتەمۇراتوۆ جانە ەلدار عۇماروۆ) ءاتى-جونى سىزىلعان. ال الييەۆپەن بىرگە كومپانيانىڭ 75% اكسياسىن ءوز باقىلاۋىندا ۇستاعان دميتريي پوكۋپاتەليەۆ ديرەكتورلار كەڭەسىنىڭ ءتوراعاسى بولىپ قايتا تاعايىندالدى. ونىمەن بىرگە جاڭارتىلعان قۇرامعا Jusan Mobileء-دىڭ ءۇش وكىلى كىردى. KASE-دە جاريالانعان قۇجاتتاعى دەرەكتەرگە سايكەس، ديرەكتورلار كەڭەسىنىڭ جاڭا مۇشەلەرى "Unit Telecom" ج ش س اكسيونەرىنىڭ وكىلدەرى بولىپ تابىلادى. Jusan mobileء-دىڭ تۇپكى بەنەفيسيارى – كاسىپكەر عالىمجان ەسەنوۆ.
ءنۇرالى الييەۆ (داريعا نازاربايەۆانىڭ ۇلى) قازاقستاننىڭ 75 باي بيزنەسمەندەرى رەيتينگىندە 41ء-شى ورىندا (2024) تۇر. Forbes Kazakhstan ونىڭ بايلىعىن 220 ملن دوللارعا باعالايدى. 2024 جىلدىڭ مامىر ايىنداعى دەرەك بويىنشا، الييەۆ "Capital Holding" ج ش س جانە "Darmen Holding" جشس-لاردىڭ اكسيونەرى، الماتىدا Donatello Hotels and Resorts (ءباا، دۋباي)، Donatello boutique hotel مەيمانحالارىمەن بىرگە الماتى مەن استانادا بىرنەشە مەيرامحانالارى دا بار.
"ترانستەلەكوم" قازاقستانداعى 75 ءىرى جەكە كومپانيالار رەيتينگىنە ەنەدى (2024)، 36-ورىندا، كىرىسى 78،9 ملرد تەڭگە، ال تازا پايداسى 10،7 ملرد تەڭگە بولادى.
"ترانستەلەكوم" - قازاقستاندىق ءىرى بايلانىس وپەراتورلارىنىڭ ءبىرى، تەلەكوممۋنيكاسيا جانە IT-قىزمەتتەرمەن اينالىسادى. Forbes مالىمەتتەرى بويىنشا Unit Telecom ارقىلى كومپانيا اكسيالارىنىڭ 75 پايىزىنا يەلىك ەتۋشىلەر - ءنۇرالى الييەۆ پەن دميتريي پوكۋپاتەليەۆ. قالعان 25 پايىزى "قازاقستان تەمىر جولىندا". بۇرىن كومپانيا مەملەكەتكە تيەسىلى بولعان. 2015 جىلى "ترانستەلەكوم" 9 ميلليارد تەڭگەگە جەكەشەلەندىرىلگەنى بەلگىلى بولدى.
