جاۋاپتى تۇلعالار اۋدانداعى ماقتا القابىن ارالاپ، ءونىم وندىرۋشىلەرمەن جانە زاۋىت باسشىلىعىمەن سالالىق وندىرىستەگى ماسەلەلەر بويىنشا پىكىرلەستى.
«رامازان اگرو» ج ش س ماقتانىڭ «كارلو»، «ەدەسسا»، «اۆ 440»، «اۆ 010»، «لازەر» جانە «لينزا» سياقتى تۋركيالىق 6 ءتۇرلى سورتىن ەگەدى.
زاۋىت باسشىلارى بيىل 723 گەكتار القاپتان بولجام بويىنشا 2700 توننا ءونىم جيناۋدى جوسپارلاپ وتىرعاندارىن جەتكىزدى.
ال «نۇر اگرو 73» ج ش س ماقتا قابىلداۋ جانە وڭدەۋ زاۋىتىنىڭ ديرەكتورى نۇرلان باتىربەكوۆ وبلىس اكىمىنىڭ اگرارلىق سالاعا جاۋاپتى ورىنباسارىنا كۇزگى ماقتا جيناۋ بارىسى تۋرالى باياندادى.
كەزدەسۋ بارىسىندا زاۋىت باسشىسى اتالعان مەكەمەدە جىلىنا 30000 توننا ماقتا وڭدەلىپ، دايىن ءونىمدى چەحيا جانە كانادا مەملەكەتتەرىنە ەكسپورتتاۋدى جوسپارلاپ وتىرعانىن جەتكىزدى.
ايتا كەتەيىك، اتالعان ماقتا وڭدەۋ زاۋىتى 300 ادامدى ماۋسىمدىق جۇمىسپەن قامتىپ وتىر.
