ءبىر قىزىعى بۇعان دەيىن تورەش ەركە ەسماحانمەن ايتاتىن ايگىلى «اللو» ءانىن قىرعىزدىڭ ءانشى قىزىمەن شىرقاعانى ەسىمىزدە. وسى كونسەرتتە تورەش پەن ەركەنىڭ ورىنداۋىنداعى «اللو» ءانىن تاعى ءبىر مارتە تىڭداپ، قۇلاق قۇرىشىمىزدى قاندىرامىز با دەپ ويلاعان ەدىك. ءبىراق ولاي بولمادى. بۇل جولى ول «اللو» ءانىن وزبەك ءانشىسى شاحزودامەن ايتىپ شىقتى.
ارينە، تورەشتىڭ تىڭدارماندارى ءۇشىن كۇتپەگەن وقيعا بولعانى بەلگىلى. ويتكەنى تورەشتىڭ بۇل ءاندى ەركەمەن ورىنداماي جۇرگەنىنە ءبىراز بولعانى بەلگىلى. قوس ءانشىنىڭ بىرىگىپ ءان سالمايتىنداي ارالارىندا نە بولعانىن بىلمەيمىز. بىلگەن ادام بولسا، الەۋمەتتىك جەلىدە جازار.
كوپشىلىك تورەش «ايحاي-25» كونسەرتىندە «اللونى» ەركەمەن ايتپاعان كۇننىڭ وزىندە قىرعىزدىڭ انشىسىمەن ايتاتىن شىعار دەپ ويلاعانى انىق. ءبىراق بۇل جولى سەرى جىگىت ايگىلى ءاندى شاحزودامەن ايتتى. قوس ءانشى «اللونى» ناقىشىنا كەلتىرىپ شىرقاي جونەلگەندە قىرعىزدىڭ ءانشى قىزىنىڭ ورىنىن وزبەك قىزى باسقاندا بۇل ىسكە... ارسىن-گۇرسىن سويلەيتىن اتامبايەۆتىڭ ارەكەتى «سالقىنىن» تيگىزدى ما دەپ ويلاعانىمىز راس. كىم ءبىلسىن؟
ءبىراق جۇرتتىڭ باسىم بولىگى تورەشتىڭ «اللونى» وزبەك پەن قىرعىز قىزى ەمەس ءوزىمىزدىڭ ەركە ەسماحانمەن قوسىلىپ ايتقانىن قالاعانى انىق. «قازاق قىزعا ۇيلەنەم» دەپ ءان سالاتىن سەرى جىگىتتىڭ وزگە ۇلتتىڭ قىزدارىمەن دۋەت قۇرا بەرەتىنى بىزگە تۇسىنىكسىز. ەركەنى ولاردان قاي جەرى كەم. ەرتەڭگى كۇنى وزبەكپەن ءدۇرداراز بولساق، تورەش «اللونى» تاجىك قىزىمەن شىرقاي ما، سوندا؟
ن.اۋباكىر.
https://dalanews.kz/26747
