Bir qyzyǵy buǵan deıin Tóresh Erke Esmahanmen aıtatyn áıgili «Alo» ánin qyrǵyzdyń ánshi qyzymen shyrqaǵany esimizde. Osy konsertte Tóresh pen Erkeniń oryndaýyndaǵy «Alo» ánin taǵy bir márte tyńdap, qulaq quryshymyzdy qandyramyz ba dep oılaǵan edik. Biraq olaı bolmady. Bul joly ol «Alo» ánin ózbek ánshisi Shahzodamen aıtyp shyqty.
Árıne, Tóreshtiń tyńdarmandary úshin kútpegen oqıǵa bolǵany belgili. Óıtkeni Tóreshtiń bul ándi Erkemen oryndamaı júrgenine biraz bolǵany belgili. Qos ánshiniń birigip án salmaıtyndaı aralarynda ne bolǵanyn bilmeımiz. Bilgen adam bolsa, áleýmettik jelide jazar.
Kópshilik Tóresh «Aıhaı-25» konsertinde «Alony» Erkemen aıtpaǵan kúnniń ózinde qyrǵyzdyń ánshisimen aıtatyn shyǵar dep oılaǵany anyq. Biraq bul joly seri jigit áıgili ándi Shahzodamen aıtty. Qos ánshi «Alony» naqyshyna keltirip shyrqaı jónelgende qyrǵyzdyń ánshi qyzynyń orynyn ózbek qyzy basqanda bul iske... arsyn-gúrsin sóıleıtin Atambaevtyń áreketi «salqynyn» tıgizdi ma dep oılaǵanymyz ras. Kim bilsin?
Biraq jurttyń basym bóligi Tóreshtiń «Alony» ózbek pen qyrǵyz qyzy emes ózimizdiń Erke Esmahanmen qosylyp aıtqanyn qalaǵany anyq. «Qazaq qyzǵa úılenem» dep án salatyn seri jigittiń ózge ulttyń qyzdarymen dýet qura beretini bizge túsiniksiz. Erkeni olardan qaı jeri kem. Erteńgi kúni ózbekpen dúrdaraz bolsaq, Tóresh «Alony» tájik qyzymen shyrqaı ma, sonda?
N.Áýbákir.
https://dalanews.kz/26747
