پرەزيدەنتتىڭ سايلاۋالدى باعدارلاماسى ەكونوميكادا ادال جانە ناقتى ەرەجەلەر ورناتۋعا باعىتتالعان. اتاپ ايتقاندا، مەملەكەت سالىق، بيۋدجەت، اقشا-نەسيە جانە تاريف ساياساتىن تەڭ دارەجەدە جانە اشىق جۇرگىزەتىن بولادى، سونداي-اق ىشكى ءوندىرىستى جانە شيكىزاتتىق ەمەس ەكسپورت سالاسىن ىنتالاندىرۋعا باسا ءمان بەرگەن بولاتىن.
ايتالىق، 2022-2023 جىلدارى ەلىمىزەگى $41،3 ملرد تىكەلەي شەتەلدىك ينۆەستيسيالار تارتىلىپ، وتاندىق وندىرۋشىلەر مەن ونەركاسىپ-يننوۆاسيالىق قىزمەت سۋبەكتىلەرى اراسىندا شيكىزات جەتكىزۋ بويىنشا مىندەتتەمەلەردى ەنگىزۋگە باعىتتالعان قازاقستاننىڭ «ونەركاسىپتىك ساياسات تۋرالى» زاڭىنا تۇزەتۋلەر ازىرلەندى. بۇل زاڭ ەلىمىزدەگى ءوندىرىستىڭ العا باسۋىنا ىقپال ەتە باستادى دەپ ايتۋعا تولىق نەگىز بار.
وسى ۋاقىت ارالىعىندا وندىرۋشىدەن تۇتىنۋشىعا دەيىن تاۋارلاردى جەتكىزۋدىڭ اشىقتىعىن قامتاماسىز ەتەتىن تۇتاس كەشەن بولىپ وتىرعان ۇلتتىق قاداعالاۋ جۇيەسى ەنگىزىلدى.
ال ەكونوميكانى دەمونوپوليزاسيالاۋ بويىنشا جۇيەلى جۇمىس جالعاسۋدا. دەمونوپوليزاسيالاۋ جونىندەگى كوميسسيا جۇمىسىنىڭ ناتيجەلەرى بويىنشا رەسپۋبليكالىق مەنشىككە قابىلدانىپ، ولاردىڭ قاتارىندا
- ءىرى 14 اكسيونەرلىك قوعام مەن جشس-داعى اكسيا پاكەتتەرى مەن قاتىسۋ ۇلەستەرى؛
- 7 عيمارات، 162 تەمىرجول مەن تەمىرجول نىسانى؛
- اۆتوموبيلدەر، اقشالاي قاراجات پەن باسقا دا مۇلىكتەر بار.
وسى ۋاقىت ارالىعىندا ق ر پرەزيدەنتى قاسىم-جومارت توقايەۆتىڭ ەكونوميكالىق جانە ساياسي رەفورمالارىنىڭ جالعاسى رەتىندە «زاڭسىز يەمدەلىنگەن اكتيۆتەردى مەملەكەتكە قايتارۋ تۋرالى» زاڭ قابىلدانىپ، ق ر پرەمەر-مينيسترىنىڭ توراعالىعىمەن زاڭسىز يەمدەلىنگەن اكتيۆتەردى مەملەكەتكە قايتارۋ ماسەلەلەرى جونىندەگى كوميسسيا قۇرىلدى.
بۇگىنگى تاڭدا مەملەكەتكە قۇنى شامامەن 1 ترلن تەڭگە سوما بولاتىن اكتيۆتەر قايتارىلعانى.
ال حالىقتىڭ ءال-اۋقاتىن جاقسارتۋ باعىتىندا «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭ قابىلداندى. اتالىمىش زاڭ قابىلدانعاننان كەيىن ءقازىر ەلىمىزدە 11،3 ملرد تەڭگەدەن استام سومما بويىنشا 7،1 مىڭ ازامات بانكروت دەپ تانىلعان.
