Prezidenttiń Sailaýaldy baǵdarlamasy ekonomikada adal jáne naqty erejeler ornatýǵa baǵyttalǵan. Atap aitqanda, memleket salyq, biýdjet, aqsha-nesie jáne tarif saiasatyn teń dárejede jáne ashyq júrgizetin bolady, sondai-aq ishki óndiristi jáne shikizattyq emes eksport salasyn yntalandyrýǵa basa mán bergen bolatyn.
Aitalyq, 2022-2023 jyldary elimizegi $41,3 mlrd tikelei sheteldik investitsiialar tartylyp, otandyq óndirýshiler men ónerkásip-innovatsiialyq qyzmet sýbektileri arasynda shikizat jetkizý boiynsha mindettemelerdi engizýge baǵyttalǵan Qazaqstannyń «Ónerkásiptik saiasat týraly» zańyna túzetýler ázirlendi. Bul zań elimizdegi óndiristiń alǵa basýyna yqpal ete bastady dep aitýǵa tolyq negiz bar.
Osy ýaqyt aralyǵynda óndirýshiden tutynýshyǵa deiin taýarlardy jetkizýdiń ashyqtyǵyn qamtamasyz etetin tutas keshen bolyp otyrǵan Ulttyq qadaǵalaý júiesi engizildi.
Al ekonomikany demonopolizatsiialaý boiynsha júieli jumys jalǵasýda. Demonopolizatsiialaý jónindegi komissiia jumysynyń nátijeleri boiynsha respýblikalyq menshikke qabyldanyp, olardyń qatarynda
- iri 14 aktsionerlik qoǵam men JShS-daǵy aktsiia paketteri men qatysý úlesteri;
- 7 ǵimarat, 162 temirjol men temirjol nysany;
- avtomobilder, aqshalai qarajat pen basqa da múlikter bar.
Osy ýaqyt aralyǵynda QR Prezidenti Qasym-Jomart Toqaevtyń ekonomikalyq jáne saiasi reformalarynyń jalǵasy retinde «Zańsyz iemdelingen aktivterdi memleketke qaitarý týraly» zań qabyldanyp, QR Premer-Ministriniń tóraǵalyǵymen zańsyz iemdelingen aktivterdi memleketke qaitarý máseleleri jónindegi komissiia quryldy.
Al halyqtyń ál-aýqatyn jaqsartý baǵytynda «Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly» zań qabyldandy. Atalymysh zań qabyldanǵannan keiin qazir elimizde 11,3 mlrd teńgeden astam somma boiynsha 7,1 myń azamat bankrot dep tanylǵan.
