Almatyda Tailandtan esirtki jetkizbek bolǵan sheteldik azamat ustaldy, dep habarlaidy dalanews.kz.
20 jastaǵy kúdikti Bangkok – Almaty baǵyty boiynsha ushyp kelgen. Tekserý barysynda onyń júginen jalpy salmaǵy shamamen 11 keli bolatyn gashish maiy quiylǵan 12 plastikalyq ydys tabylyp, tárkilengen.
IIM Esirtki qylmysyna qarsy is-qimyl komiteti tóraǵasynyń orynbasary Eldar Ábdikenovtiń aitýynsha, atalǵan derek boiynsha qylmystyq is qozǵalǵan.
Qazirgi tańda is Qazaqstan Respýblikasy Qylmystyq kodeksiniń 286-baby boiynsha tergelip jatyr. Bul bap boiynsha múlikti tárkileý qarastyrylyp, 20 jylǵa deiin nemese ómir boiyna bas bostandyǵynan aiyrý jazasy kózdelgen.
Kúdikti ýaqytsha ustaý izoliatoryna qamaldy.
