Áleýmettik jelide Dikii Arman laqap atymen belgili Arman Jumageldievtiń túrmedegi videosy tarady, dep habarlaidy dalanews.kz.
Videoda qylmys áleminie serkesi qolynda Qurandy ustap, memleketke opamyzdyq jasamaǵanyn aitady.
"Meniń kitabym - Quran. Eshqashan memleketke, halqyma qarsy shyqqan emespin. Bárin Alla razylyǵy úshin, halqym úshin jasadym. Aqiqatyn Alla biledi. Erte me, kesh pe shyndyq ashylady", - deidi videoda Jumageldiev.
Eske salaiyq, byltyr 14 qazanda Almaty qalasynda Qańtar oqiǵasyna qatysty is boiynsha apelliatsiialyq shaǵymdardy qaraý bastalǵan edi.
Buǵan deiin osy is boiynsha atyshýly «Dikii Arman» laqap atymen tanymal Arman Jumageldiev 20 jylǵa bas bostandyǵynan aiyrylǵan.
2025 jyldyń 7 qańtarynda sot Qańtar oqiǵasyna qatysy bar 44 aiyptalýshyǵa úkim shyǵarǵan bolatyn. Olardyń arasynda Arman Jumageldiev, Almaty qalalyq máslihatynyń burynǵy depýtaty Qairat Qudaibergen jáne UQK-niń 5-departamentiniń eks-basshysy Rýslan Ysqaqov bar.
Sot úkimine sáikes, Arman Jumageldiev uiymdasqan qylmystyq top qurǵany, jappai tártipsizdikke qatysqany jáne 24 adamdy zańsyz bostandyǵynan aiyrǵany úshin kináli dep tanylyp, 20 jylǵa sottaldy. Qairat Qudaibergenge – 8 jyl, al Rýslan Iskakovqa – 15 jyl 6 ai túrme jazasy jáne memlekettik qyzmette jumys isteýge ómir boiyna tyiym salyndy.
Oqi otyryńyz:
