قازاقستان پرەزيدەنتى قاسىم-جومارت توقايەۆ سانكت-پەتەربۋرگكە ۇشىپ كەتتى، دەپ حابارلايدى Dalanews.kz.
بۇل تۋرالى قازتاگ دەرەككوزى حابارلادى.
«توقايەۆ سانكت-پەتەربۋرگكە ۇشىپ كەتتى»، – دەپ دەرەككوز مالىمدەدى.
25 جەلتوقساندا سانكت-پەتەربۋرگتە تمد ەلدەرى باسشىلارىنىڭ بەيرەسمي جاڭا جىل الدىنداعى ءسامميتى وتەدى.
قازاقستان پرەزيدەنتىن بۇل جيىنعا رەسەي پرەزيدەنتى ۆلاديمير پۋتين قاراشا ايىندا قازاقستانعا جاساعان ساپارى كەزىندە شاقىرعان بولاتىن.
ەسكە سالايىق، 27 قاراشادا قاسىم-جومارت توقايەۆ قازاقستانعا مەملەكەتتىك ساپارمەن كەلگەن رەسەي فەدەراسياسىنىڭ پرەزيدەنتى ۆلاديمير ءپۋتيندى ەلوردا اۋەجايىنان قارسى العان بولاتىن.
مارتەبەلى قوناقتى كۇتىپ الۋ ءۇشىن اۋەجايدا قۇرمەت قاراۋىلى ساپ تۇزەدى.
