مەملەكەت باسشىسى قاسىم-جومارت توقاەۆ قاتارلىق Al Jazeera تەلەارناسىنا بەرگەن ەكسكليۋزيۆ سۇحباتىندا ەلٸمٸزدە جٷزەگە اسىرىلىپ جاتقان رەفورمالار جايىنا توقتالدى, دەپ حابارلايدى Dalanews.kz قازاقپاراتقا سٸلتەمە جاساپ.
Al Jazeera: وسى اپتادا استانا حالىقارالىق فورۋمى ٶتٸپ جاتىر. بۇل — قازاقستاندى ەلەمگە تانىتاتىن ٸس-شارانىڭ بٸرٸ. سٸزدٸڭ رەفورمالار باعدارلاماسىن جارييا ەتكەنٸڭٸزگە دە 3 جىل بولدى. ٶزٸڭٸز ۋەدە ەتكەن جاڭا قازاقستانعا جەتە الدىڭىزدار ما? قالاي ويلايسىز?
— بٸز سەنٸمدٸ تٷردە العا قادام باسىپ كەلەمٸز. پروتسەسس جٷرٸپ جاتىر. دەگەنمەن بٸز رەفورمالاردى قولعا العاندا قازاقستاندا عانا ەمەس, ەلەمدە كٶپتەگەن وقيعا ورىن الدى.
Al Jazeera: اتاپ ايتقاندا, كوروناۆيرۋس, ۋكرايناداعى سوعىس…
— دۇرىس ايتاسىز. مەنٸڭشە, بۇل وڭاي دٷنيە ەمەس. بٸز ەدٸل ەرٸ ناقتى ٸسكە ۇمتىلۋىمىز كەرەك. سونىمەن قاتار ٶزگەرٸستەردٸ جٷزەگە اسىرعاندا بارلىق جاعىنان باتىل قيمىلداۋ قاجەت. سوندىقتان كٷن تەرتٸبٸندەگٸ تۇرعان ماقساتتىڭ بەرٸنە قول جەتكٸزۋ ٷشٸن بارىنشا تاباندى ەرەكەت ەتكەن دۇرىس. يە, رەفورما جالعاسىپ جاتىر. ونىڭ نەتيجەسٸ دە جەتكٸلٸكتٸ.
Al Jazeera: سٸزدٸڭ ەلدٸڭ سىرتقى ساياساتىنا نازار اۋدارايىقشى, قازاقستان كەيبٸر شەتەلدٸك سەرٸكتەستەرمەن قارىم-قاتىناسىن وي ەلەگٸنەن ٶتكٸزٸپ, كەيبٸر ساۋدا قاتىناسىن قايتا قاراپ جاتىر ما? مەسەلەن, قانداي دا بٸر ۇلى دەرجاۆاعا تەۋەلدٸ, تىم جاقىن بولماۋى ٷشٸن ورتا دەلٸز جوباسىن جانداندىرۋ دەگەن سەكٸلدٸ…
— بٸرٸنشٸدەن, بٸز سىرتقى ساياساتتا قانداي دا بٸر رەفورما جٷرگٸزٸپ جاتىرمىز دەي المايمىن. ٶيتكەنٸ, بۇل — كونسەرۆاتيۆتٸ قۇبىلىس. الايدا قازاقستاننان تىسقارى جەردە ورىن الىپ جاتقان جاعدايلاردى دا قاپەردە ۇستاۋ قاجەت. قازاقستان — ەۋرازيياداعى, ەسٸرەسە ورتالىق ازيياداعى تۇراقتىلىق پەن قاۋٸپسٸزدٸكتٸڭ تٸرەگٸ. بٸز ەۋەل باستان ٸرٸ دەرجاۆالارمەن, سونىڭ ٸشٸندە كٶرشٸلەرٸمٸزبەن تەڭگەرٸمدٸ ساياسات جٷرگٸزٸپ كەلەمٸز جەنە ۇلتتىق ماقساتتارىمىزدى دا ۇمىت قالدىرعان ەمەسپٸز. سوندىقتان سىرتقى ساياساتتاعى ۇستانىمىمىز ٶزگەردٸ دەمەس ەدٸم.
ورتا دەلٸز تۋرالى ەسكە سالعانىڭىز دا ورىندى. سەبەبٸ بٸز كٶلٸك قاتىناستارىن ەرتاراپتاندىرۋعا باسىمدىق بەرەمٸز. وسى تۇرعىدان العاندا, ترانسكاسپيي كٶلٸك باعدارىنىڭ ماڭىزى ارتا تٷسەدٸ. ٶزٸڭٸز بٸلەتٸندەي, بٸز "بٸر بەلدەۋ, بٸر جول" باستاماسىن قولدايمىز. قحر تٶراعاسى سي تسزينپيننٸڭ 2013 جىلى بۇل باستامانى قازاقستاننىڭ ەلورداسىندا جارييا ەتۋٸ دە بەكەر ەمەس.
بۇعان دەيٸن مەملەكەت باسشىسىنىڭ وسى سۇقباتى بارىسىندا مۇناي تاسىمالداۋدىڭ بالاما باعىتتارىنا قاتىستى ساۋالعا بەرگەن جاۋابىن جارييالاعان بولاتىنبىز. سونداي-اق پرەزيدەنت قازاقستاننىڭ بۇرىنعى بيلٸگٸ ەليتالارىنا بەرٸلگەن ارتىقشىلىقتاردى جويۋ جايىنا قاتىستى سۇراققا دا جاۋاپ بەردٸ.
