باس پروكۋرور عيزات نۇردەۋلەتوۆ «قاسٸرەتتٸ قاڭتار» وقيعاسىنا قاتىستى تەرگەۋ جۇمىستارىنىڭ بارىسى تۋرالى باياندادى. ونىڭ ايتۋىنشا, قازٸرگٸ ۋاقىتتا 3024 قىلمىستىق ٸس بويىنشا تەرگەۋ امالدارى جٷرگٸزٸلۋدە. ارناۋلى پروكۋرورلاردىڭ باسشىلىعىمەن ۆەدومستۆوارالىق تەرگەۋ توبى جاپپاي تەرتٸپسٸزدٸكتەر مەن تەررورلىق اكتٸلەر بويىنشا 177 ٸستٸ قاراپ جاتىر.
پروكۋراتۋرا ورگاندارىنىڭ مەلٸمەتٸ بويىنشا 779 ادام قاماۋدا وتىر. ولاردىڭ اراسىندا ۇيىمداسقان قىلمىستىق توپتاردىڭ 24 مٷشەسٸ بار. 113 ادام كٸسٸ ٶلتٸرۋ, ۇرلىق, توناۋشىلىق جەنە قاراقشىلىق ەرەكەتتەرٸ ٷشٸن بۇرىن سوتتالعان.
ۇستالعانداردىڭ تۇلعالارى انىقتالعان سوڭ, سونداي-اق دەنساۋلىق جاعدايلارىنا بايلانىستى جەنە باسقا دا ماتەريالدار بويىنشا 109 ازاماتتىڭ قاماۋعا الۋ جازاسى كەتٸپ قالماۋ جٶنٸندەگٸ قولحاتپەن جەنە جەكە كەپٸلدٸك بەرۋمەن الماستىرىلعان.
پروكۋرورلار ازاماتتاردىڭ تەرتٸپسٸزدٸككە قاتىسى بار ەكەنٸ دەلەلدەنبەگەنٸن نەگٸزگە الا وتىرىپ, تاعى دا 103 ادامدى بوساتقان. ۇستالعانداردى ازاپتاۋ تۋرالى ەربٸر حابارلاما جٸتٸ تەكسەرٸلەدٸ.
پروكۋرورلار ادۆوكاتتارمەن, قۇقىق قورعاۋشىلارمەن جەنە ادام قۇقىقتارى جٶنٸندەگٸ ۋەكٸلمەن ەردايىم بايلانىستا. ولارعا تەرگەۋ يزولياتورلارىنا, ۋاقىتشا ۇستاۋ يزولياتورلارىنا جەنە ۇستالۋ سەبەبٸن انىقتايتىن ارناۋلى ورىندارعا كٸرۋگە مٷمكٸندٸك بەرٸلگەن.
جالپى پروكۋراتۋراعا ۇستالعاندار تاراپىنان 305 شاعىم تٷسكەن. قۇقىق بۇزۋشىلىققا قاتىستى 62 شاعىم راستالمادى. ازاپتاۋ جەنە بيلٸگٸن اسىرا پايدالانۋ دەرەگٸ بويىنشا 170 قىلمىستىق ٸس قوزعالدى.
«ەربٸر ٸستٸ ەگجەي-تەگجەيلٸ تەكسەرەمٸز جەنە بۇلتارتپاس دەلەلدەر بولعان جاعدايدا عانا كٸنەلٸلەردٸ جاۋاپكەرشٸلٸككە تارتامىز, – دەدٸ باس پروكۋرور.
سونىمەن قاتار كەڭەستە ۇلتتىق قاۋٸپسٸزدٸك كوميتەتٸنٸڭ تٶراعاسى, ٸشكٸ ٸستەر مينيسترٸ, قورعانىس مينيسترٸ جەنە پرەمەر-مينيستردٸڭ ورىنباسارى – سىرتقى ٸستەر مينيسترٸ بايانداما جاسادى.
پرەزيدەنت كەڭەستٸ قورىتىندىلاي كەلە, قاڭتار وقيعاسى بويىنشا مۇقييات جەنە شىنايى تەكسەرۋ جٷرگٸزۋ, ۇستالعان ازاماتتاردىڭ قۇقىقتارىن قورعاۋ, تەكسەرۋ بارىسى تۋرالى حالىققا ۋاقتىلى اقپارات بەرۋ جٶنٸندە مەملەكەتتٸك ورگاندارعا تاپسىرما بەردٸ.
