ەكس-پرەمەر, قازاقتىڭ ەليحانى "ەسكٸ قازاقستان" زامانىندا كٶتەرٸلگەندٸكتەن, ٷكٸمەت باسقارعان ۋاقىتتا ميداي ارالاسىپ كەتكەن "وليگارحتار-نازارباەۆ كلانى-جاقسىبەكوۆ/شٶكەەۆ" تٷيٸنٸن شەشە المادى دەپ جازادى DALA INSIDE تەلەگرام ارناسى.
سەبەبٸ, بٸردەڭەگە تىيىم سالايىن دەسە, ٶزگەرتەيٸن دەسە, مٸندەتتٸ تٷردە ٶزٸ تانيتىن, كەزٸندە جاقسى سىيلاسقان, داستارحانداس تۇلعالار الدىنان شىعىپ جٷردٸ. وسى جەيت قاتاڭ رەفورما جاساۋعا مٷمكٸندٸك بەرمەدٸ. ولاي بولعان جاعدايدا قازاقتىڭ ەليحانى بارلىق دوستارىنان ايرىلاتىن ەدٸ.
ال ولجاس بەكتەنوۆ جاڭا ادام. ول "اعا-كٶكەلەردٸ" تانىمايدى. انتيكور ۋاقىتىنان كٶبٸسٸنٸڭ سحەمالارىن جاقسى بٸلەدٸ. ەسٸرەسە ەكس-شەنەۋٸكتەردٸڭ شەتەلدە تىققان اكتيۆتەرٸ بويىنشا كومپروماتى كٶپ. سوندىقتان ول كەز-كەلگەن رەفورمانى ەشكٸمنٸڭ كٶڭٸلٸنە قاراماي جاساي الادى.
"ولجاس بەكتەنوۆتٸ ەكٸ ستسەناريي كٷتٸپ تۇر. بٸرٸنشٸسٸ: ول قازٸر بەرٸن "دىرىلداتىپ", يستيبليشمەنتكە, وليگارحتارعا جەك كٶرٸنٸشتٸ بولىپ, بٸراق قازاقستاندى دامىتىپ, حالىقتىڭ قولداۋىن الادى. سودان كەيٸن 2029 جىلى پرەزيدەنت سايلاۋىنا بارادى.
ەكٸنشٸسٸ: ول رەفورمالار باستاماي, ٶتپەلٸ ۋاقىتتىڭ قۇربانى بولىپ, 2024-2026 جىلدارداعى ەكونوميكالىق داعدارىسقا كٸنەلٸ ادام دەپ تانىلادى. ارتىنان كەلمەسكە كەتەدٸ", - دەيدٸ, Amanat پارتيياسىنىڭ باسقارۋشى ورگانىندا قىزمەت ەتەتٸن DALA INSIDE دەرەككٶزٸ.
"جاڭا قازاقستان" بەكتەنوۆتى بٸرٸنشٸ ستسەنارييگە دايىنداپ جاتىر. دەمەك, ەلدەگٸ ساياسي دەمدە ەكونوميكالىق شەشٸمدەردٸڭ سالماعى كٷرت ارتىپ, رەفورماتورلار تولقىنى پايدا بولۋى تيٸس. ال بەكتەنوۆ جۇمىسىنىڭ ناقتى نەتيجەسٸن 2026 جىلدارى كٶرە الامىز.
DALA INSIDE دەرەككٶزٸنٸڭ ويىنشا بەكتەنوۆتىڭ تاعدىرى 2026 جىلى شەشٸلەدٸ. سول كەزدە نە ارى قاراي پرەزيدەنتتٸككە دايىندالادى, نە وتستاۆكاعا كەتٸپ, قاراپايىم لاۋازىمدا جٷرەدٸ.
