Eks-premer, qazaqtyń Álihany "eski Qazaqstan" zamanynda kóterilgendikten, Úkimet basqarǵan ýaqytta midai aralasyp ketken "oligarhtar-Nazarbaev klany-Jaqsybekov/Shókeev" túiinin sheshe almady dep jazady DALA INSIDE telegram arnasy.
Sebebi, birdeńege tyiym salaiyn dese, ózgerteiin dese, mindetti túrde ózi tanityn, kezinde jaqsy syilasqan, dastarhandas tulǵalar aldynan shyǵyp júrdi. Osy jáit qatań reforma jasaýǵa múmkindik bermedi. Olai bolǵan jaǵdaida qazaqtyń Álihany barlyq dostarynan airylatyn edi.
Al Oljas Bektenov jańa adam. Ol "aǵa-kókelerdi" tanymaidy. Antikor ýaqytynan kóbisiniń shemalaryn jaqsy biledi. Ásirese eks-sheneýikterdiń shetelde tyqqan aktivteri boiynsha kompromaty kóp. Sondyqtan ol kez-kelgen reformany eshkimniń kóńiline qaramai jasai alady.
"Oljas Bektenovti eki stsenarii kútip tur. Birinshisi: ol qazir bárin "dyryldatyp", istiblishmentke, oligarhtarǵa jek kórinishti bolyp, biraq Qazaqstandy damytyp, halyqtyń qoldaýyn alady. Sodan keiin 2029 jyly Prezident sailaýyna barady.
Ekinshisi: ol reformalar bastamai, ótpeli ýaqyttyń qurbany bolyp, 2024-2026 jyldardaǵy ekonomikalyq daǵdarysqa kináli adam dep tanylady. Artynan kelmeske ketedi", - deidi, Amanat partiiasynyń basqarýshy organynda qyzmet etetin DALA INSIDE derekkózi.
"Jańa Qazaqstan" Bektenovty birinshi stsenariige daiyndap jatyr. Demek, eldegi saiasi demde ekonomikalyq sheshimderdiń salmaǵy kúrt artyp, reformatorlar tolqyny paida bolýy tiis. Al Bektenov jumysynyń naqty nátijesin 2026 jyldary kóre alamyz.
DALA INSIDE derekkóziniń oiynsha Bektenovtyń taǵdyry 2026 jyly sheshiledi. Sol kezde ne ary qarai prezidenttikke daiyndalady, ne otstavkaǵa ketip, qarapaiym laýazymda júredi.
