پرەزيدەنت قاسىم-جومارت توقاەۆ مەدەنيەت جەنە اقپارات مينيسترٸ ارمان قىرىقباەۆتى قابىلداپ, ۆەدومستۆونىڭ نەگٸزگٸ مٸندەتتەرٸن ايقىندادى, دەپ حابارلايدى dalanews.kz.
كەزدەسۋدە مەملەكەت باسشىسى مەدەنيەت پەن كرەاتيۆتٸ يندۋسترييانى ودان ەرٸ دامىتۋ, تاريحي-مەدەني مۇرانى ساقتاۋ جەنە ونى كەڭٸنەن ناسيحاتتاۋ جۇمىستارىن كٷشەيتۋدٸ تاپسىردى. سونداي-اق قازاقستان مەدەنيەتٸن حالىقارالىق ارەنادا دەرٸپتەۋدٸڭ ماڭىزىن اتاپ ٶتتٸ.
پرەزيدەنت مەملەكەتتٸك اقپاراتتىق ساياساتقا دا ەرەكشە نازار اۋداردى. ونىڭ پٸكٸرٸنشە, وتاندىق اقپارات كەڭٸستٸگٸن جانداندىرۋ قاجەت. بۇل رەتتە زاڭ جوبالاۋ جۇمىسىن قازٸرگٸ تسيفرلىق تەۋەكەلدەردٸ ەسكەرە وتىرىپ جەتٸلدٸرۋ ماڭىزدى.
بۇدان بٶلەك, مەملەكەت باسشىسى قوعامدىق كەلٸسٸمدٸ نىعايتۋ باعىتىنداعى جۇمىستى جٷيەلٸ تٷردە جالعاستىرۋدى تاپسىردى.
سونداي-اق جاستاردىڭ جاسامپاز ەلەۋەتٸن جٷزەگە اسىرۋىنا جاعداي جاساۋ قاجەتتٸگٸن اتاپ ٶتتٸ.
