Prezident Qasym-Jomart Toqaev Mádeniet jáne aqparat ministri Arman Qyryqbaevty qabyldap, vedomstvonyń negizgi mindetterin aiqyndady, dep habarlaidy dalanews.kz.
Kezdesýde Memleket basshysy mádeniet pen kreativti indýstriiany odan ári damytý, tarihi-mádeni murany saqtaý jáne ony keńinen nasihattaý jumystaryn kúsheitýdi tapsyrdy. Sondai-aq Qazaqstan mádenietin halyqaralyq arenada dáripteýdiń mańyzyn atap ótti.
Prezident memlekettik aqparattyq saiasatqa da erekshe nazar aýdardy. Onyń pikirinshe, otandyq aqparat keńistigin jandandyrý qajet. Bul rette zań jobalaý jumysyn qazirgi tsifrlyq táýekelderdi eskere otyryp jetildirý mańyzdy.
Budan bólek, Memleket basshysy qoǵamdyq kelisimdi nyǵaitý baǵytyndaǵy jumysty júieli túrde jalǵastyrýdy tapsyrdy.
Sondai-aq jastardyń jasampaz áleýetin júzege asyrýyna jaǵdai jasaý qajettigin atap ótti.
