Prezident Respýblika kúni qarsańynda bir top azamatty memlekettik nagradalarmen marapattaý týraly jarlyqqa qol qoidy, dep habarlaidy dalanews.kz.
Ulttyq merekemiz – Respýblika kúni qarsańynda Qazaqstan Respýblikasy Prezidentiniń jarlyǵymen eldiń áleýmettik-ekonomikalyq jáne mádeni-rýhani damýyna, halyqtar arasyndaǵy dostyq pen yntymaqtastyqty nyǵaitýǵa qosqan eleýli úlesi jáne belsendi qoǵamdyq qyzmeti úshin bir top azamat memlekettik nagradalarmen marapattaldy.
Olardyń qatarynda eńbek ardagerleri, jumysshy mamandyqtardyń, óndiris, biznes, bilim, ǵylym, densaýlyq saqtaý salalarynyń ókilderi, áskeri qyzmetshiler, quqyq qorǵaý organdarynyń qyzmetkerleri, sportshylar, mádeniet jáne óner qairatkerleri bar.
- «Qazaqstannyń Eńbek Eri» ataǵy óndiriske sińirgen eńbegi úshin «Kazakhmys Smelting» JShS Jezqazǵan mys balqytý zaýytynyń balqytýshysy Á.Dospanovqa berildi.
- «Otan» ordenimen kórnekti mádeniet jáne óner qairatkeri, kompozitor, «Mýzart» tobynyń elimizde jáne shet elde tanylýy jolynda erekshe ról atqarǵan A.Qorazbaev marapattaldy.
- I dárejeli «Barys» ordeni «TNS-group» kontserni» zańdy tulǵalar birlestiginiń prezidenti T.Jumaǵulovqa jáne akter N.Yqtymbaevqa; II dárejeli «Barys» ordeni bilim salasynyń ardageri E.Mámbetqazievqa, «Qazaqstan Respýblikasy alpinizm jáne taýǵa órmeleý federatsiiasy» zańdy tulǵalar birlestiginiń vitse-prezidenti Q.Ýálievke; III dárejeli «Barys» ordeni «Novo-Prirechnoe» JShS direktory V.Tiýrkinge, «Ardagerler uiymy» respýblikalyq qoǵamdyq birlestigi Aqtóbe oblystyq filialynyń tóraǵasy S.Shańǵutovqa jáne basqalarǵa berildi.
- El damýyna eńbegi sińgen belgili ǵalymdar men mádeniet qairatkerleri, óndiristik sala ókilderi «Parasat» ordenimen marapattaldy. Olardyń arasynda «Aqmaia» sharýa qojalyǵynyń tóraǵasy D.Jumbekov, «A.Baitursynuly atyndaǵy Til bilimi institýty» respýblikalyq memlekettik kásipornynyń bas ǵylymi qyzmetkeri N.Ýáli, arheolog A.Podýshkin, «Qaraǵandy meditsinalyq ýniversiteti» KeAQ professory M.Túsipbekova, «Radýga» JShS bas direktory D.Sharapaev jáne basqalary bar.
- «Qurmet» ordenimen «Ózenmunaigaz» AQ kran mashinisi B.Dosqarin, Qaraǵandy oblystyq densaýlyq saqtaý basqarmasynyń «Kópbeiindi oblystyq balalar aýrýhanasy» KMK bólimshe meńgerýshisi E.Kalmbah, Soltústik Qazaqstan oblysyndaǵy «Astyq-STEM» JShS bas agronomy T.Hamidýllin, «Zdorovaia Aziia» onkologiialyq aýrýlardy qoldaý jónindegi qoǵamdyq qorynyń negizin qalaýshy N.Plohih, Qyzylorda oblysyndaǵy «Qamqorlyq» ońaltý ortalyǵynyń basshysy A.Musafirova, Atyraý oblysyndaǵy sý sharýashylyǵynyń ardageri N.Qonas, Aqtóbe oblysynyń «Kópsalaly oblystyq balalar aýrýhanasy» MKK balalar dárigeri B.Medetbaev jáne basqalary marapattaldy.
- Qoǵamdyq kelisimdi jáne ultaralyq qatynastardy nyǵaitýǵa qosqan úlesi úshin «El birligi» ordenine «Almaty qalasynyń Túrikmen qoǵamdyq-mádeni ortalyǵy» qoǵamdyq birlestiginiń qurmetti tóraǵasy G.Annakýlieva, Qaraǵandy oblysy «Sheshen-ingýsh «Vainah» etnomádeni birlestigi» qoǵamdyq birlestiginiń tóraǵasy Ý.Djanaev, «Vozrojdenie» Qazaqstandyq nemisterdiń birlestigi» qoǵamdyq qorynyń atqarýshy direktory D.Redler, «Tamos Space School» JShS muǵalimi D.Romashenko ie boldy.
- Ónerkásip, kólik, qurylys, aýyl sharýashylyǵy jáne basqa da óndiristik sala eńbekkerleri III dárejeli «Eńbek Dańqy» ordeniniń kavaleri atandy. «Qazaqstannyń eńbek sińirgen qairatkeri» qurmetti ataǵy mádeniet salasynyń kórnekti ókilderi B.Báimenge, T.Músilimge, P.Paltaevqa, M.Sailanbekke, A.Temkinaǵa jáne basqa da tulǵalarǵa berildi.
- «Qazaqstannyń eńbek sińirgen ustazy» ataǵyna pedagogter jáne bilim berý salasynyń ókilderi N.Karanda, K.Májitova, E.Omarhanov, N.Safiýllina, «Qazaqstannyń halyq ártisi» ataǵyna óner qairatkerleri T.Musabaev, N.Óteýlov laiyq dep tanyldy.
- Birqatar meditsina qyzmetkeri, sonyń ishinde T.Sharmanov atyndaǵy Ulttyq meditsinalyq ýniversitettiń professory T.Tarkina «Qazaqstannyń eńbek sińirgen dárigeri» qurmetti ataǵynyń iegeri atandy.
- Áskeri jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde, ulttyq qaýipsizdikti nyǵaitýda kórsetken erligi men janqiiarlyǵy úshin áskeri qyzmetshiler jáne quqyq qorǵaý organdary ókilderiniń bir toby I, II dárejeli «Dańq» ordenderimen, I, II, III dárejeli «Aibyn» ordenderimen, «Erligi úshin», sondai-aq «Jaýyngerlik erligi úshin» medaldarymen marapattaldy.
Barlyǵy 129 eńbek ardageri, ónerkásip, kólik, qurylys, aýyl sharýashylyǵy jáne basqa da salalardyń 473 jumysshysy, shaǵyn jáne orta biznestiń 200-den astam ókili, 150-den asa pedagog pen ǵalym, 120-ǵa jýyq meditsina qyzmetkeri, sondai-aq, kúndelikti eńbegimen el damýyna úles qosyp júrgen ózge de azamattar memlekettik nagradalarǵa ie boldy.
