بۇرىنعى مەجٸلٸس دەپۋتاتى, بەلگٸلٸ ايتىسكەر اقىن رينات زايىت قازاقستان رەسپۋبليكاسى قارۋلى كٷشتەرٸنٸڭ ۇلتتىق ەسكەري-پاتريوتتىق ورتالىعىنىڭ باسشىسى قىزمەتٸنە تاعايىندالدى. بۇل تۋرالى ول Adal ADAM YouTube ارناسىنا بەرگەن سۇحباتىندا مەلٸمدەدٸ.
رينات زايىتتىڭ ايتۋىنشا, جاڭا قىزمەتٸنە 2026 جىلدىڭ قازان ايىنىڭ باسىندا كٸرٸسكەن. ول قورعانىس مينيسترٸنٸڭ شاقىرۋىمەن ەسكەري-پاتريوتتىق ورتالىققا جۇمىسقا بارعان. بۇرىنعى دەپۋتات قىزمەت اۋىستىرۋىنا ەلدٸڭ قورعانىس سالاسىندا باستالعان ٶزگەرٸستەردٸڭ دە ەسەر ەتكەنٸن جەتكٸزدٸ.
رينات زايىت سۇحبات بارىسىندا جاڭا قىزمەتٸنٸڭ مٸندەتتەرٸنە توقتالدى. ونىڭ ايتۋىنشا, ۇلتتىق ەسكەري-پاتريوتتىق ورتالىق قورعانىس مينيسترلٸگٸنە قاراستى مەكەمە سانالادى. ونىڭ قۇرامىندا ەسكەري انسامبل مەن وركەستر جۇمىس ٸستەيدٸ. سونداي-اق ورتالىق ەسكەري قىزمەتشٸلەر مەن ەسكەرگە شاقىرىلۋعا دەيٸنگٸ جاستار اراسىندا مەدەني جەنە پاتريوتتىق ٸس-شارالار ۇيىمداستىرۋمەن اينالىسادى.
"قازان ايىنىڭ باسىندا جاڭا قورعانىس مينيسترٸنٸڭ شاقىرۋىمەن قورعانىس مينيسترلٸگٸنە قاراستى ۇلتتىق ەسكەري-پاتريوتتىق ورتالىققا كەلدٸم. ورتالىق قۇرامىندا ەسكەري انسامبل مەن وركەستر بار. سونداي-اق پاتريوتتىق جەنە مەدەني ٸس-شارالاردى ۇيىمداستىرادى", – دەدٸ رينات زايىت.
ول جاڭا قىزمەتٸندە ەسكەري قىزمەتشٸلەر مەن جاستاردىڭ بويىندا وتانسٷيگٸشتٸك قاسيەتتەردٸ قالىپتاستىرۋعا باعىتتالعان جۇمىستارعا كٶڭٸل بٶلەتٸنٸن ايتتى.
بۇرىنعى دەپۋتاتتىڭ سٶزٸنشە, ونىڭ شەشٸم قابىلداۋىنا قازاقستان ارميياسىندا باستالعان اۋقىمدى رەفورمالار ىقپال ەتكەن. رينات زايىت قورعانىس سالاسىنداعى ٶزگەرٸستەرگە قاتىسىپ, ٶز ٷلەسٸن قوسقىسى كەلەتٸنٸن جەتكٸزدٸ.
"سوڭعى وقيعالاردان كەيٸن مەملەكەت باسشىسى قاسىم-جومارت توقاەۆ قورعانىس سالاسىندا تٷبەگەيلٸ ٶزگەرٸستەر جٷرگٸزۋدٸ تاپسىردى. بۇل رەفورمالار باستالىپ تا كەتتٸ. مەن ٶزگەرٸستەرگە قاتىسقاندى ۇناتاتىن اداممىن. سوندىقتان بۇل قىزمەتكە ٷلكەن قۋانىشپەن كەلٸستٸم. وسى رەفورماعا از دا بولسا ٷلەس قوسسام دەگەن ارمانمەن كەلدٸم", – دەدٸ ول.
بۇعان دەيٸن رينات زايىت مەجٸلٸس دەپۋتاتى بولعان كەزەڭٸندە دە ەسكەردەگٸ تەرتٸپ, ساربازداردىڭ قاۋٸپسٸزدٸگٸ جەنە ەسكەري قىزمەتتٸڭ جاۋاپكەرشٸلٸگٸنە قاتىستى مەسەلەلەردٸ بٸرنەشە رەت كٶتەرگەن.
