"مەملەكەتتىك ساياساتتىڭ باسىمدىقتارىنىڭ ءبىرى – انا مەن بالانى قولداۋ. ايتا كەتۋ كەرەك، ايەلدەر ەر ادامدارعا قاراعاندا كوبىنەسە بالا كۇتىمى بويىنشا جۇمىس پەن مىندەتتەردى بىرگە الىپ جۇرۋگە ءماجبۇر. ەگەر انا دەكرەتتىك دەمالىس الاتىن بولسا، ول كاسىبي داعدىلارى مەن قۇزىرەتتىلىگىن جوعالتادى. ناتيجەسىندە، ايەلدەر ەڭبەك نارىعىندا باسەكەگە قابىلەتسىز بولىپ قالادى"، - دەدى پرەزيدەنت ۇلتتىق قوعامدىق سەنىم كەڭەسىنىڭ وتىرىسىندا.
توقايەۆتىڭ پىكىرىنشە، اسىرەسە جالعىز باستى اتا-انالارعا بالالارىنا ءتيىستى تۇردە قاراۋ قيىنعا سوعادى.
"ولار ءۇشىن ەرەكشە ەڭبەك جاعدايلارىن جاساۋ قاجەت. جالعىز باستى اتا-انالاردىڭ قاشىقتان جۇمىس ىستەۋىن جانە قىسقارتىلعان جۇمىس رەجيمى قۇقىعىن زاڭنامالىق دەڭگەيدە قاراستىرعان ءجون”، – دەدى مەملەكەت باسشىسى.
سونىمەن قاتار، پرەزيدەنت دامىعان ەلدەردە ءىرى كومپانيالار ءوز كەڭسەلەرىندە بالالار بولمەلەرىن ءجيى اشاتىنىن اتاپ ءوتتى.
"مۇنداي تاجىريبە بىزدە دە نورماعا اينالۋعا ءتيىس. ول ءۇشىن قىزمەتكەردىڭ وسى ساناتىنىڭ مۇددەلەرىن ەسكەرىپ، ەڭبەك رەجيمىن رەتتەۋدىڭ ءتيىمدى تەتىكتەرىن ەنگىزۋ قاجەت. بۇل رەتتە ەڭبەك پروسەستەرىنىڭ ۇزدىكسىزدىگىن جانە ءتيىستى ونىمدىلىكتى قامتاماسىز ەتۋ ماڭىزدى"، - دەدى قاسىم-جومارت توقايەۆ.
