Toqaev jalǵyzbasty analardyń eńbek jaǵdaiyn jaqsartýdy tapsyrdy
"Memlekettik saiasattyń basymdyqtarynyń biri – ana men balany qoldaý. Aita ketý kerek, áielder er adamdarǵa qaraǵanda kóbinese bala kútimi boiynsha jumys pen mindetterdi birge alyp júrýge májbúr. Eger ana dekrettik demalys alatyn bolsa, ol kásibi daǵdylary men quzyrettiligin joǵaltady. Nátijesinde, áielder eńbek naryǵynda básekege qabiletsiz bolyp qalady", - dedi Prezident ulttyq qoǵamdyq senim keńesiniń otyrysynda.
Toqaevtyń pikirinshe, ásirese jalǵyz basty ata-analarǵa balalaryna tiisti túrde qaraý qiynǵa soǵady.
"Olar úshin erekshe eńbek jaǵdailaryn jasaý qajet. Jalǵyz basty ata-analardyń qashyqtan jumys isteýin jáne qysqartylǵan jumys rejimi quqyǵyn zańnamalyq deńgeide qarastyrǵan jón”, – dedi memleket basshysy.
Sonymen qatar, prezident damyǵan elderde iri kompaniialar óz keńselerinde balalar bólmelerin jii ashatynyn atap ótti.
"Mundai tájiribe bizde de normaǵa ainalýǵa tiis. Ol úshin qyzmetkerdiń osy sanatynyń múddelerin eskerip, eńbek rejimin retteýdiń tiimdi tetikterin engizý qajet. Bul rette eńbek protsesteriniń úzdiksizdigin jáne tiisti ónimdilikti qamtamasyz etý mańyzdy", - dedi Qasym-Jomart Toqaev.
