پرەزيدەنت Polpharma كومپانيياسى باقىلاۋشىلار كەڭەسٸنٸڭ تٶراعاسى ەجي ستاراكپەن كەزدەستٸ. كەزدەسۋ بارىسىندا مەملەكەت باسشىسى ەرەكشە سىي الدى, - دەپ حابارلايدى Dalanews.kz.
شەتەلدٸك ينۆەستورلار كەڭەسٸنٸڭ وتىرىسى اياسىندا پرەزيدەنت قاسىم-جومارت توقاەۆ Polpharma كومپانيياسى باقىلاۋشىلار كەڭەسٸنٸڭ تٶراعاسى ەجي ستاراكتى قابىلدادى.
كەزدەسۋدە ەلەمدەگٸ جەتەكشٸ فارماتسەۆتيكالىق كومپانييانىڭ قازاقستان مەن ورتالىق ازيياداعى قىزمەتٸن كەڭەيتۋ مەسەلەلەرٸ تالقىلاندى.
مەملەكەت باسشىسىنا كومپانييانىڭ ساپانى باقىلاۋ زەرتحاناسى مەن عىلىمي-زەرتتەۋ سىناق ورتالىعىنىڭ قۇرىلىسى اياقتالعانى جٶنٸندە مەلٸمەت بەرٸلدٸ. سونداي-اق تاياۋ ارادا جاڭا دەرٸلٸك پرەپاراتتار ٶندٸرٸسٸن ٸسكە قوسۋ جوسپارى تانىستىرىلدى.
قاسىم-جومارت توقاەۆ قازاقستاننىڭ فارماتسەۆتيكا يندۋستريياسىنداعى عىلىمي-زەرتتەۋ ەلەۋەتٸن دامىتۋ جەنە وقۋ باعدارلامالارىن ەنگٸزۋ ماڭىزدى ەكەنٸن اتاپ ٶتتٸ. مەملەكەت باسشىسى كٶكتەمگٸ سۋ تاسقىنى كەزٸندە زارداپ شەككەن ٶڭٸرلەرگە قاجەتتٸ دەرٸ-دەرمەكتەردٸ جەدەل جەتكٸزٸپ بەرگەنٸ ٷشٸن پولشالىق ينۆەستورعا العىس ايتتى.
كەزدەسۋ سوڭىندا ەجي ستاراك قاسىم-جومارت توقاەۆقا ەكٸ كٸتاپ سىيعا تارتتى. ونىڭ بٸرٸنشٸسٸ Polpharma كومپانيياسىنىڭ دەمەۋشٸلٸگٸمەن تٷسٸرٸلٸپ جاتقان دەرەكتٸ فيلمگە ارنالعان. بۇل فيلمدە بەكەت اتا, قوجا احمەت ياساۋي, ارىستان باب كەسەنەلەرٸ, تاڭبالى پەتروگليفتەرٸ مەن بوتاي قونىسى سەكٸلدٸ قازاقستاننىڭ كيەلٸ جەرلەرٸ تاسپالانعان.
ەكٸنشٸ كٸتاپ – قازاقتىڭ بەلگٸلٸ جازۋشىسى, پولشانى باسقىنشىلاردان ازات ەتۋگە قاتىسقان مايدانگەر كەمەل توقاەۆ تۋرالى عۇمىرباياندىق جيناق. بۇل باسىلىم پولشا-قازاقستان تاريحى كوميسسيياسىنىڭ قولداۋىمەن ەزٸرلەندٸ.
