مەملەكەت باسشىسى قاسىم-جومارت توقايەۆ جاڭا جىلدىق مەرەكەدەن كەيىن تولىقتىرۋلار مەن وزگەرتۋلەر ەنگىزىلگەن زاڭنامالار مەن ماڭىزدى مەملەكەتتىك جارلىقتارعا قول قويدى. ولاردىڭ اراسىندا «اگلومەراسيالاردى دامىتۋ تۋرالى» جانە قازاقى يت تۇقىمدارىن ساقتاۋ جانە ءوسىمىن مولايتۋدى كوزدەيتىن زاڭدار بار، – دەپ حابارلايدى Dalanews.kz.   

پرەزيدەنت قول قويعان زاڭنىڭ ماتىندەرى باسپاسوزدە جاريالاناتىن بولادى.

مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اگلومەراسيالاردى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا، قازاقستان رەسپۋبليكاسى كونستيتۋسيالىق سوتى جانە ونىڭ اپپاراتى قىزمەتىنىڭ ماسەلەلەرى تۋرالى جارلىققا، «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» قول قويدى

بۇدان باسقا مەملەكەت باسشىسى «وسىمدىكتەر دۇنيەسى تۋرالى» قازاقستان رەسپۋبليكاسىنىڭ زاڭىنا، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە وسىمدىكتەر دۇنيەسى جانە ەرەكشە قورعالاتىن تابيعي اۋماقتار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. اتالعان زاڭدا قازاقى يت تۇقىمدارىن ساقتاۋ جانە ءوسىمىن مولايتۋ ماسەلەلەرى بويىنشا وزگەرىستەر مەن تولىقتىرۋلار ەنگىزىلگەنىن ايتا كەتۋىمىز كەرەك.

وسىلايشا مەملەكەت باسشىسى قازاق حالقىنىڭ سيۆولىنا اينالعان قازاقى توبەتتى مەملەكەتتىك تۇرعىدان ساقتاۋ ىسىنە قولداۋ كورسەتتى.