وبلىس ەكٸمٸ الدىمەن, كٶكسەيەك اۋىلدىق وكرۋگٸندەگٸ «Keremet agro Group» اۋىلشارۋاشىلىق ٶندٸرٸستٸك كووپەراتيۆٸنٸڭ جۇمىسىمەن تانىستى. كووپەراتيۆ 2017 جىلى 40 گا جەرگە قارقىندى الما باۋىن ەككەن. وسى جۇمىستار ٷشٸن 503 ملن. تەڭگە كٶلەمٸندە ينۆەستيتسييا تارتقان. شارۋاشىلىققا قاجەتتٸ تەحنيكانى "ىرىس" مقۇ اركىلى 43 ملن. 100 مىڭ تەڭگەگە ليزينگ بويىنشا قارجىلاندىرعان. اۋىلشارۋاشىلىق ٶندٸرٸستٸك كووپەراتيۆٸنٸڭ تٶراعاسى – وزىقباي ابزال مەيرامبەكۇلى. «گالا», «گولدەن دەليشەس», «ايدارەد» جەنە «رەد دەليشەس» اتتى المانىڭ سۇرىپتارى ەگٸلگەن باۋدا 87500 دانا تٷپ اعاش بار. كووپەراتيۆتە 50 ادام تۇراقتى جۇمىس ٸستەيدٸ. ورتاشا ايلىق جالاقىسى – 90 مىڭ تەڭگە.
مۇنان كەيٸن وبلىس ەكٸمٸ تاسارىق اۋىلىندا ورنالاسقان جەكە كەسٸپكەر س.تاناباەۆتىڭ جٷزٸم شارۋاشىلىعىندا بولدى. كەسٸپكەر تاستاق جەردٸ تيٸمدٸ پايدالانىپ, 2016 جىلى جاڭا تەحنولوگييامەن 10 گەكتارعا جٷزٸم ەككەن. ال, 2017 جىلى قوسىمشا 10 گەكتار جەرگە 16 مىڭ تٷپ كٶشەت وتىرعىزدى. شارۋاشىلىققا قاراستى 20 گەكتارعا جالپى سانى 32 مىڭ تٷپ «تايفي-روزوۆىي» جٷزٸمٸ ەگٸلگەن. بەتون تٸرەۋٸشتەر ورناتىپ, تامشىلاتىپ سۋارۋ جٷيەسٸن قولدانعان. كٶشەتتەردٸ سارىاعاش اۋدانىنان الدىرعان. جوبانىڭ جالپى ينۆەستيتسييالىق قۇنى – 50 ملن. تەڭگە. بۇل قارجىنىڭ تەڭ جارتىسىن «دامۋ» باعدارلاماسى اياسىندا «وڭتٷستٸك» ايماقتىق ينۆەستيتسييا ورتالىعى بٶلگەن. قوجالىق باسشىسى 10 گەكتار جەردٸ ساتىپ السا, 10 گەكتار جەردٸ مەملەكەتتەن 49 جىلعا جالعا العان. جٷزٸم القابىنىڭ ەر گەكتارىنا مەملەكەت تاراپىنان 750 مىڭ تەڭگەدەن سۋبسيدييا بەرٸلدٸ. جٷزٸمباق بيىل العاشقى ٶنٸمٸن بەرە باستايدى. گەكتارىنا 35-40 توننادان ٶنٸم بەرەدٸ دەپ كٷتٸلۋدە. بٷگٸندە جٷزٸمباقتا 10 ادام تۇراقتى ەڭبەك ەتٸپ جاتىر. جالاقىلارى ورتاشا ەسەپپەن 50 مىڭ تەڭگەنٸ قۇرايدى. ال, ماۋسىمدىق جيىن-تەرٸم مەزگٸلٸندە مۇندا 20-عا جۋىق ادام جۇمىسقا تارتىلادى. شارۋا قوجالىعى الداعى جىلدارى جٷزٸمدٸ قايتا ٶڭدەۋ ٸسٸن قولعا الىپ, جٷزٸمباققا جاقىن ماڭنان كٶكٶنٸس ساقتاۋ قويماسىنىڭ قۇرىلىسىن باستاماق.
ٸسكەر شارۋالاردىڭ جۇمىسىمەن تانىسقان ٶڭٸر باسشىسى جەمٸس-جيدەكتٸ ٶڭدەۋ مەسەلەسٸن قولعا الۋ كەرەكتٸگٸن ايتتى.
– ەۋروپا ەلدەرٸندە 10-15 گەكتار جەرٸ بار شارۋالار تەك دايىن ٶنٸمدٸ ساتىپ قويماي, جەمٸس-جيدەك پەن كٶكٶنٸستٸ ٶڭدەيدٸ. وسى ارقىلى تابىس مولىراق تٷسەدٸ. مەسەلەن, الما, جٷزٸم ساقتايتىن قويمالار مەن ونى ٶڭدەپ تٷرلٸ سۋسىندار شىعاراتىن كەسٸپورىن سالساڭىزدار تيٸمدٸرەك بولادى. جالپى, تٶلەبي اۋدانىندا جۇمىستار اتقارىلىپ جاتىر. بىلتىر كٶپقاباتتى 8 ٷي تۇرعىندارعا بەرٸلدٸ. بۇل – اۋدان تاريحىندا بۇرىن بولماعان وقيعا. اۋدانداعى ەلدٸ مەكەندەردٸڭ 94 پايىزى اۋىز سۋمەن قامتىلدى. 14 ەلدٸ مەكەنگە, ياعني, 5000 ٷيگە گاز بەرٸلدٸ. گازداندىرۋ جۇمىستارى الداعى ۋاقىتتا دا جالعاسىن تابادى. جولدار سالىنىپ جاتىر. كانالدار تازالانىپ, سۋارمالى جەر كٶبەيدٸ. وسى باعىتتان اينىماي, كەسٸپكەرلٸكتٸ, اۋىل شارۋاشىلىعىن جانداندىرا تٷسۋ كەرەك, – دەدٸ جانسەيٸ تٷيمەباەۆ.
