مەملەكەت باسشىسى قاسىم-جومارت توقاەۆ قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مەدينا ەبٸلقاسىموۆانى قابىلداپ, قارجى نارىعىنىڭ بيىلعى سەگٸز ايداعى جۇمىسىنىڭ نەتيجەلەرٸن تىڭدادى, دەپ حابارلايدى dalanews.kz.
مەدينا ەبٸلقاسىموۆا بانكتەر تۋرالى جاڭا زاڭدى ٸسكە اسىرۋ اياسىندا زاڭعا تەۋەلدٸ اكتٸلەر تولىق جاڭارتىلىپ, 80 نورماتيۆتٸك-قۇقىقتىق اكت قابىلدانعانىن باياندادى.
بانكتەردٸڭ اكتيۆتەرٸ 6,9%-عا ٶسٸپ, 75,6 ترلن تەڭگەگە جەتكەن. كاپيتالدىڭ جەتكٸلٸكتٸلٸگٸ 20,7%-دى قۇرادى.
سەگٸز ايدا قارجى سەكتورى سۋبەكتٸلەرٸنە 279 ينسپەكتورلىق تەكسەرۋ جٷرگٸزٸلٸپ, 190 قاداعالاۋ شاراسى قولدانىلعان. نەتيجەسٸندە 465 ملن تەڭگە ايىپپۇل سالىندى.
ميكروقارجىلاندىرۋ جەنە كوللەكتورلىق اگەنتتٸكتەر نارىعىندا جۇمىس ٸستەيتٸن 13 ۇيىم ليتسەنزيياسىنان ايىرىلدى. التى ۇيىمنىڭ ليتسەنزيياسى ۋاقىتشا توقتاتىلىپ, تٶرت كوللەكتورلىق اگەنتتٸك تٸزٸلٸمنەن شىعارىلدى.
كەسٸپكەرلٸككە بەرٸلگەن كرەديت كٶلەمٸ دە ٶستٸ. بيزنەسكە ارنالعان كرەديتتەر 3,5%-عا ارتىپ, 16 ترلن تەڭگەگە جەتكەن. جىل باسىنان بەرٸ كەسٸپكەرلٸككە جاڭادان بەرٸلگەن كرەديت كٶلەمٸ 19,1%-عا ٶسٸپ, 12,5 ترلن تەڭگەنٸ قۇرادى.
رەتتەۋ شارالارىنىڭ نەتيجەسٸندە جەتٸ ايدا تۇتىنۋشىلىق كرەديتتٸڭ ٶسٸمٸ 4,6%-عا دەيٸن باياۋلاعان.
شٸلدە ايىنان باستاپ مەرزٸمٸ ٶتكەن بەرەشەكتٸ ۇجىمدىق رەتتەۋگە ارنالعان Finkelisim.kz پلاتفورماسى ٸسكە قوسىلدى. جىل سوڭىنا دەيٸن ازاماتتاردىڭ ٶتٸنٸشتەرٸ مەن شاعىمدارىن قارايتىن بٸرىڭعاي قارجى ومبۋدسمەنٸ كەڭسەسٸ جۇمىسىن باستايدى.
سونىمەن قاتار 2030 جىلعا دەيٸن كاپيتال جەنە ساقتاندىرۋ نارىقتارىن دامىتۋ باعدارلامالارى, سونداي-اق «كاپيتال نارىعى تۋرالى» جەنە «ساقتاندىرۋ نارىعى تۋرالى» جاڭا زاڭ جوبالارى ەزٸرلەنٸپ جاتىر.
قارجى سەكتورىنا جاساندى ينتەللەكت ەنگٸزۋ مەسەلەسٸنە دە نازار اۋدارىلدى. اگەنتتٸك FinAI بٸرىڭعاي قاداعالاۋ پلاتفورماسىن قۇرعان. جىل سوڭىنا دەيٸن قارجى نارىعىنا جاساندى ينتەللەكتٸنٸ ەنگٸزۋ ستراتەگيياسىن ەزٸرلەۋ جوسپارلانعان.
كەزدەسۋ قورىتىندىسىندا پرەزيدەنت قارجىلىق تۇراقتىلىقتى قامتاماسىز ەتۋ, قارجى سالاسىندا جاساندى ينتەللەكتٸنٸ كەڭٸنەن پايدالانۋ, ەكونوميكانىڭ ناقتى سەكتورلارىن كرەديتتەۋدٸ ارتتىرۋ, سونداي-اق كاپيتال جەنە ساقتاندىرۋ نارىقتارىن ودان ەرٸ دامىتۋ جٶنٸندە بٸرقاتار تاپسىرما بەردٸ.
