الماتىدا "ءتىل مايدانى" اتتى قوزعالىستىڭ جەتەكشىسى قالا اكىمى باقىتجان ساعىنتايەۆتى سوتقا بەرمەك. قازاق ءتىلىنىڭ مارتەبەسىن كوتەرۋدى تالاپ ەتىپ، قالادا زاڭدى ميتينگكە رۇقسات الا-المادىق دەگەن ول، اكىمدىك بىرنەشە رەت ارىزىمىزدى نەگىزسىز كەرى قايتاردى دەپ وتىر.

اتالمىش ۇيىم وسىعان دەيىن دە بىرنەشە قالادا ميتينگ وتكىزگەن. "ءبىر ءتىل - ءبىر مەمەلەكەت" اتتى ۇرانمەن بەيبىت ميتينگ ۇيىمداستىرىپ جۇرگەن ۇيىم وكىلدەرى وسىعان دەيىن ءتىپتى نيۋ-يورك قالاسىندا دا شەرۋ وتكىزدىك دەپ وتىر. بۇل تۋرالى Dalanews.kz "ينفورمبيۋرو" باعدارلاماسىنا سىلتەمە جاساپ حابارلايدى.

ءتىلىمىز تىلىمدەنىپ ءبىتتى دەگەن قۋات احمەتوۆ الماتى اكىمدىگىنە بىرنەشە رەت بارىپ، بەيبىت ميتينگكە رۇقسات الا الماعانىن ايتتى. ايتۋىنشا، ءتيىستى قۇجاتتا 12 تارماقتان تۇراتىن تالاپتى تولىق ورىنداعان. ول الماتى رۇقسات بەرەمىن دەگەنشە، نيۋ-يورك مەرى ماقۇلداپ، انا ءتىلىمىزدىڭ مارتەبەسىن شەتەلدەگى قانداستارىمىزدىڭ كوتەرمەلەۋىن رۇقسات بەرگەنىن ماقتانا ايتتى.

"الماتى قالاسىنىڭ اكىمى ساعىنتايەۆ مىرزانى سوتقا بەرەيىن دەپ جاتىرمىز. ويتكەنى، ول نە سەبەپتى رۇقسات بەرمەگەنىن بىزگە ايتقان جوق. بۇل دەگەنىمىز - الماتى قالاسى اكىمدىگىنىڭ مەملەكەتتىك قازاق تىلىنە قارسى شىققانى"، - دەدى "ءتىل مايدانى" قوزعالىسىنىڭ جەتەكشىسى قۋات احمەتوۆ.

ءتىل تاعدىرىن تالقىلاۋ ەلورداداعى ەرىكتىلەرگە دە بۇيىرماپتى. "قازاق تىلىنە قيانات جاساما" دەپ پلاكات الىپ شىققان بايتاس ەسسىمدى ازاماتتى دا پوليسيا الىپ كەتىپتى.

انا ءتىلدى ارداقتاۋ شاراسى پاۆلودارداعى ەستاي اتىنداعى مادەنيەت سارايىنىڭ الدىندا ءوتتى. پاۆلودار اكىمدىگى رۇقسات بەرگەن، جيىل جۇرت ويىن ايتىپ، تالابىن جەتكىزدى. 

سونداي-اق، "ءتىل مايدانى" قوزعالىسى بەيبىت ميتينگكە رۇقسات بەرسە، مەملەكەتتىك ورگاندارداعى انا ءتىلدىڭ قولدانىسى مەن بيلىكتىڭ ورىس تىلىنە باسىمدىق بەرۋىن دە باسا ايتقىمىز كەلىپ وتىر دەيدى. بەلسەندىلەر رەسپۋبليكا بويىنشا بارلىق ايماقتا باس كوتەرۋدى كوزدەپ وتىر، ساۋاتسىز اۋدارىلعان جارنامانى دا، ءمانى جوعالعان ماتىندەردى دە ارنايى كوميسسيا قولعا الۋىن تالاپ ەتەدى.

https://www.youtube.com/watch؟v=39TFgZbomV8&list=PLn2OyECVOtB9xBcKQlgGjPMd9y97mNlCl&index=3