Atalmysh uiym osyǵan deiin de birneshe qalada miting ótkizgen. "Bir til - bir memeleket" atty uranmen beibit miting uiymdastyryp júrgen uiym ókilderi osyǵan deiin tipti Niý-Iork qalasynda da sherý ótkizdik dep otyr. Bul týraly Dalanews.kz "Informbiýro" baǵdarlamasyna silteme jasap habarlaidy.
Tilimiz tilimdenip bitti degen Qýat Ahmetov Almaty ákimdigine birneshe ret baryp, beibit mitingke ruqsat ala almaǵanyn aitty. Aitýynsha, tiisti qujatta 12 tarmaqtan turatyn talapty tolyq oryndaǵan. Ol Almaty ruqsat beremin degenshe, Niý-Iork meri maquldap, ana tilimizdiń mártebesin sheteldegi qandastarymyzdyń kótermeleýin ruqsat bergenin maqtana aitty.
"Almaty qalasynyń ákimi Saǵyntaev myrzany sotqa bereiin dep jatyrmyz. Óitkeni, ol ne sebepti ruqsat bermegenin bizge aitqan joq. Bul degenimiz - Almaty qalasy ákimdiginiń memlekettik qazaq tiline qarsy shyqqany", - dedi "Til maidany" qozǵalysynyń jetekshisi Qýat Ahmetov.
Til taǵdyryn talqylaý elordadaǵy eriktilerge de buiyrmapty. "Qazaq tiline qiianat jasama" dep plakat alyp shyqqan Baitas essimdi azamatty da politsiia alyp ketipti.
Ana tildi ardaqtaý sharasy Pavlodardaǵy Estai atyndaǵy mádeniet saraiynyń aldynda ótti. Pavlodar ákimdigi ruqsat bergen, jiyl jurt oiyn aityp, talabyn jetkizdi.
Sondai-aq, "Til maidany" qozǵalysy beibit mitingke ruqsat berse, memlekettik organdardaǵy ana tildiń qoldanysy men biliktiń orys tiline basymdyq berýin de basa aitqymyz kelip otyr deidi. Belsendiler respýblika boiynsha barlyq aimaqta bas kóterýdi kózdep otyr, saýatsyz aýdarylǵan jarnamany da, máni joǵalǵan mátinderdi de arnaiy komissiia qolǵa alýyn talap etedi.
https://www.youtube.com/watch?v=39TFgZbomV8&list=PLn2OyECVOtB9xBcKQlgGjPMd9y97mNlCl&index=3
