8 ساۋىردە تشو-عا قاراستى مەردىگەر كومپانيا جۇمىسشىسىنان Covid-19 انىقتالدى. كەنىشتەگى جۇمىسشىلار سانى سول ساتتە 45 مىڭ ادام قۇراعان ەدى. ىندەتتىڭ اۋا جايىلۋىنا جول بەرمەۋ ءۇشىن تشو باسشىلىعى قاتاڭ كارانتين شاراسىن قابىلداپ، ۇجىمدى شۇعىل تۇردە ەۆاكۋاسيالادى.
ناۋرىز مەن مامىر ايىنىڭ ارالىعىندا مۇناي مەن گاز يگەرۋگە تىكەلەي قاتىسى جوق 27 مىڭ مامان ۇيلەرىنە ورالدى.
جۇمىستان ۋاقىتشا بوساعان ماماندار وتباسىنىڭ جالعىز اسىراۋشى بولعاندىقتان كومپانيا باسشىلىعى ولاردى قاراۋسىز قالدىرعان جوق.
"بۇل جاعداي جۇمىس بەرۋشى مەن مۇنايشىلاردىڭ كىناسىنەن ورىن العان جوق. وسى سەبەپتى 1 شىلدە مەن 31 جەلتوقسان ارالىعىندا ىندەتتىڭ كەسىرىنەن جۇمىستان قول ۇزگەن ماماندارعا ورتاشا جالاقىنىڭ 50 پايىزى تولەنەدى"، – دەدى تشو-نىڭ باس ديرەكتورى يمەر بوننەر.
مۇناي-گاز سالاسىنىڭ ساراپشىسى ولەگ چەرۆينسكييدىڭ پىكىرىنشە، تەڭىزدەگى جۇمىس تۇرالاپ قالسا، مۇنىڭ سالدارى تۇتاس ەكونوميكاعا اسەر ەتەدى.
"كومپانيادا ەڭبەك ەتەتىن 27 مىڭ مۇنايشىنىڭ تابىسى تومەندەگەنى ءوز الدىنا، ەكونوميكانىڭ ءتۇرلى سالالارى توقىراۋعا ۇشىرار ەدى. تەڭىزشيەۆرويل قازاقستاننىڭ مۇنايسەرۆيس سالاسىنداعى 200 مىڭعا جۋىق ادام ەڭبەك ەتەتىن 2 مىڭعا تارتا كومپانيامەن قويىن-قولتىقتاسىپ جۇمىس ىستەيدى. وسىناۋ كومپانيالاردىڭ 80 پايىز تاپسىرىسى تشو، قاراشىعاناق كونسورسيۋمى مەن قاراشىعاناق پەتروليۋموپەرەيتينگ كومپانيالارىنا تيەسىلى"، – دەيدى ول.
ونىڭ اتاپ وتكەنىندەي ەگەر قازاقستاندىق مۇنايسەرۆيس نارىعىن سالاعا بولەر بولسەك، تشو-نىڭ قۇرىلىس-مونتاج جۇمىسىنداعى ۇلەسى بارشا تاپسىرىستىڭ 80 پايىزىن قۇرايدى ەكەن.
تەڭىز جوباسىن كەڭەيتۋ بارىسىندا كومپانيا قازاقستاندىق تاسىمالداۋشىلاردان 7،8 ملرد دوللاردىڭ ءونىمى مەن قىزمەت ءتۇرىن ساتىپ الۋدى جوسپارلاپ وتىر. جوبانى 2020-2022 جىلدارى جۇزەگە اسىرۋ كوزدەلگەن. بۇل ءوز كەزەگىندە قازاقستاندىق كومپانيالاردى اجەپتاۋىر تابىسقا كەنەلتەر ەدى.
تەڭىزدەگى جۇمىس توقتاپ قالعاننان كەيىن بانكتە قارىزى بار قازاقستاندىق فيرمالار تىعىرىققا تىرەلدى.
"ءقازىر قالت-قۇلت ەتىپ وتىرمىز. جىل اياعىنا دەيىن جەتەمىز بە، جوق پا ناقتى ايتا المايمىن. وسى كۇنگە دەيىن تشو-مەن بەلسەندى جۇمىس ىستەپ كەلگەن كومپانيالاردىڭ كوپشىلىگى بانكروت بولۋى مۇمكىن"، – دەپ مالىمدەمەگەن بولاتىن قازاقستان مۇنايسەرۆيس وداعىنىڭ ءتوراعاسى ءراشيد جاقسىلىقوۆ.
وداق ساراپشىلارىنىڭ ەسەپتەۋىنشە بۇل سالاداعى كومپانيالاردىڭ 50 پايىزى بانكروتقا ۇشىراۋى مۇمكىن، تيىسىنشە جۇزدەگەن، مىڭداعان ادامنىڭ جۇمىسسىز قالۋى ءقاۋپى بار. ەلىمىزدىڭ باتىس وڭىرىندە جۇمىسسىزدىقتىڭ بەلەڭ الۋى وڭىردەگى الەۋمەتتىك احۋالدى ۋشىقتىرىپ جىبەرەرى انىق.
"جۇمىسسىز ادام بىردەن اكىمدىك پەن ۇكىمەت ۇيىنە تارتادى. ادىلدىكتى سول ارادان ىزدەيدى"، – دەگەن بولاتىن وداق باسشىسى.
تەڭىزدەگى جۇمىستىڭ قايتا جاندانۋى جاقسىلىقوۆتىڭ بولجامىن جوققا شىعارىپ، جاعدايدىڭ جاقسارارىنا سەنىم ۇيالاتادى.
"تەڭىزشيەۆرويل" باس مەنەدجەرى رزابەك ارتىعالييەۆتىڭ اتاپ وتكەنىندەي كومپانيا ىندەتتىڭ ەكىنشى تولقىنىنا تولىقتاي دايىن.
"تامىزدا 17 مىڭعا تارتا ادام ۆاحتالىق جۇمىسقا تارتىلدى. مۇنايشىلاردى ۇدايى تەستىلەۋدەن وتكىزۋدەمىز. جاعداي قالىپقا كەلگەننەن كەيىن 40 مىڭ ادام تەڭىز كەنىشىنە قايتا شاقىرىلىپ، جۇمىسقا كىرىسەدى. قىسقارتۋ بولمايدى"، – دەيدى ول.
